TƆM KƖKPƐLƖKƖTƲ 01
Ɛzɩma Bibl pɩzɩɣ nɛ kɩsɩnɩ-ŋ?
Ða-taa sakɩyɛ pɔzʋʋ pa-tɩ tɔm ndɩ ndɩ pɩlɩɩnɩ wezuu, sɩm nɛ cee wayɩ yɔɔ. Ðɩnɩɣzɩɣ ɖɔɖɔ mbʋ pɩpɔzʋʋ-ɖʋ paa evemiye nɖɩ yɔ pɩ-yɔɔ: ɖɩnɩɣzɩɣ ɛzɩma pɩwɛɛ se ɖɩcɔnɩ ɖe-evemiye taa kɩcɛyɩm ɖeɖe nɛ ɛzɩma ɖɩpɩzɩɣ nɛ ɖihiɣ koboyaɣ hɔʋ taa yɔ pɩ-yɔɔ. Ɛyaa sakɩyɛ kɔma nɛ peɖiɣzina se pɩtasɩna se Bibl cosuu tɔm kɩcɛyɩtʋ ndʋ pɔpɔzʋʋ pa-tɩ yɔ tɩ-yɔɔ lɛ, kɩtasɩɣ-wɛ ɖɔɖɔ lɔŋ kɩbaŋ; nɛ lɔŋ ɛnɩ ɩwazɩɣ-wɛ paa evemiye nɖɩ. Toovenim taa lɛ, Bibl pɩzɩɣ nɛ kɩsɩnɩ ɖa-tɩŋa payɩ.
1. Tɔm ndʋ yɔɔ Bibl cosuu?
Bibl cosuu tɔm kɩcɛyɩtʋ tʋnɛ tɩ-yɔɔ: Ɛzɩma wezuu paɣzaa? Ɛbɛ yɔɔ ɖɩwɛ wezuu? Ɛbɛ yɔɔ ɛyaa lakɩ kʋñɔŋ ɖulum? Ɛyʋ sɩkɩ lɛ, ɛbɛ pɩtɛŋnɩ-ɩ? Ɛbɛ yɔɔ yoŋ tɔyɩ ɛjaɖɛ yɔɔ ŋgʋ paa weyi ɛsɔɔlɩ laŋhɛzɩyɛ? Ɛbɛ kaɣ talʋʋ tɛtʋ cee wayɩ? Bibl seɣtiɣ-ɖʋ se ɖɩñɩnɩ tɔm ndʋ tɩ-yɔɔ cosuu; nɛ ɛyaa sakɩyɛ hiɣ tɔm ndʋ tɩ-yɔɔ cosuu nɛ pɩhɛzɩ pa-laŋa siŋŋ.
2. Ɛzɩma Bibl pɩzɩɣ kɩsɩnɩ-ɖʋ nɛ ɖɩnɩɩ wezuu leleŋ paa evemiye nɖɩ?
Bibl tasɩɣ-ɖʋ lɔŋ kɩbaŋ. Kɩɖaŋ nɩɩyɩ yɔ: kɩwɩlɩɣ hɔŋ mbʋ pɩwɛɛ se ɩla nɛ ihiɣ koboyaɣ yɔ. Kɩwɩlɩɣ-ɖʋ ɛzɩma ɖɩpɩzɩɣ nɛ ɖɩlʋbɩnɩ nɩɣzɛ nɛ ɛzɩma ɖɩpɩzɩɣ ɖɩla nɛ ɖihiɣ taa leleŋ ɖa-tʋmɩyɛ taa yɔ. Alɩwaatʋ ndʋ ŋtazɩɣ takayaɣ kanɛ ka-taa yɔ, ŋkaɣ tɩlʋʋ tɔm ndʋ Bibl wɩlɩɣ tɔm tʋnɛ nɛ tɔm lɛɛtʋ yɔɔ yɔ. Pɩkaɣ-ŋ sɩnʋʋ nɛ ŋna se ‘Masɩ kpeekpe wazɩɣ [pʋ-tɔbʋʋ se tɔm ndʋ payɩ tɩwɛ Bibl taa yɔ tɩwazɩɣ].’—2 Timootee 3:16.
Takayaɣ kanɛ kaalɛɣzɩɣ Bibl lone taa. Ɛlɛ keseɣtiɣ-ŋ se ŋtazɩ Bibl taa ña-maɣmaɣ. Ye mbʋ ɖiseɣtiɣ-ŋ se ŋkalɩ masɩ nzɩ sɩwɛ paa tɔm kɩkpɛlɩkɩtʋ ndʋ lɛ tɩ-taa yɔ nɛ ŋkpaɣ-sɩ nɛ ŋmaɣzɩnɩ tɔm ndʋ ŋɖiɣni kpɛlɩkʋʋ yɔ.
TAZƖ NƐ PILIMI
Tazɩ nɛ ŋna ɛzɩma Bibl sɩnɩ ɛyaa ndɩ ndɩ yɔ, mbʋ ŋpɩzɩɣ ŋla nɛ kɩ-kalʋʋ labɩ-ŋ leleŋ nɛ pɩkɩlɩ yɔ nɛ mbʋ pʋyɔɔ pɩwɛɛ se ŋpɔzɩ nɛ pasɩnɩ-ŋ nɛ ŋnɩɩ kɩ-taa yɔ.
3. Bibl pɩzɩɣ nɛ kiɖiyi-ɖʋ
Bibl wɛ ɛzɩ ñalɩmɩyɛ nɖɩ ɖɩñandɩɣ camɩyɛ yɔ. Bibl pɩzɩɣ kɩsɩnɩ-ɖʋ nɛ ɖɩkpaɣ lɩmaɣza camɩyɛ nɛ ɖɩtɩlɩ ɖɔɖɔ mbʋ pɩkaɣ labʋ cee wayɩ yɔ.
Ɩkalɩ Keɣa 119:105, nɛ pʋwayɩ lɛ ɩtazɩ tɔm tʋnɛ tɩ-taa:
-
Lɩmaɣza wena weyi ɛma tɔm tʋnɛ yɔ ɛɛwɛnɩ Bibl yɔɔ?
-
Ña yɔ, ŋmaɣzɩɣ suwe Bibl yɔɔ?
4. Bibl pɩzɩɣ nɛ kicosi tɔm ndʋ ŋpɔzʋʋ yɔ tɩ-yɔɔ
Halʋ nɔɔyʋ ɖiɣzinaa se Bibl pɩzaa nɛ kicosi tɔm ndʋ ɛɛwɛɛ nɛ ɛpɔzʋʋ ɛ-tɩ pɩnzɩ sakɩyɛ yɔ tɩ-yɔɔ. Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa:
-
Halʋ weyi ŋna video taa yɔ, tɔm ndʋ ɛpɔzaɣ ɛ-tɩ?
-
Ɛzɩma Bibl kpɛlɩkʋʋ sɩnɩ-ɩ?
Bibl seɣtiɣ-ɖʋ se ɖɩpɔzʋʋ tɔm. Ɩkalɩ Maatiyee 7:7, nɛ pʋwayɩ lɛ ɩtazɩ tɔm tʋnɛ tɩ-taa:
-
Tɔm ndʋ yɔɔ ŋsɔɔlaa se Bibl ɛsɩnɩ-ŋ nɛ ŋcosi?
5. Bibl kalʋʋ pɩzɩɣ nɛ pɩha-ŋ taa leleŋ
Ɛyaa sakɩyɛ kalɩɣ Bibl nɛ kɩhaɣ-wɛ taa leleŋ nɛ kɩwazɩɣ-wɛ. Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa:
-
Piya evelisi nzɩ sɩyɔɔdɩ video taa yɔ, sɩsɔɔlɩ tɔm kalʋʋ na?
-
Ɛlɛ ɛbɛ yɔɔ sɩsɔɔlɩ Bibl kalʋʋ?
Bibl tasɩɣ-ɖʋ lɔŋ weyi yɔ, ɩhɛzɩɣ ɖa-laŋa; nɛ kɩhaɣ-ɖʋ lidaʋ ɖɔɖɔ. Ɩkalɩ Roma mba 15:4, nɛ pʋwayɩ lɛ ɩtazɩ tɔm tʋnɛ tɩ-taa:
-
Ŋsɔɔlaa se ŋtɩlɩ laŋhɛzɩyɛ nɛ lidaʋ tɔm ndʋ tɩwɛ Bibl taa yɔ nɛ pɩkɩlɩ?
6. Lalaa pɩzɩɣ pasɩnɩ-ɖʋ nɛ ɖɩnɩɩ tɔm ndʋ Bibl wɩlɩɣ yɔ tɩ-taa
Ɛyaa sakɩyɛ kalɩɣ Bibl pa-tɩ yɔɔ; pɩtasɩnɩ mbʋ lɛ, panawa se ye pa nɛ lalaa pɛkpɛndaa nɛ patazɩɣ kɩ-taa yɔ, pɩsɩɣnɩ-wɛ nɛ pɩkɩlɩ. Ɩkalɩ Tʋma Labʋ 8: 26-31, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ pɩzɩɣ pɩsɩnɩ-ɖʋ nɛ ɖɩnɩɩ tɔm ndʋ Bibl wɩlɩɣ yɔ tɩ-taa?—Ɩcɔnɩ kalɩtʋ 30 nɛ 31.
Pɩɩpɔzaa se pasɩnɩ Etiyoopii abalʋ pʋcɔ nɛ ɛnɩɩ Masɩ taa. Sɔnɔ ɖɔɖɔ, ɛyaa sakɩyɛ nawa se ye pa nɛ lalaa pɛkpɛndɩɣ nɛ patazɩɣ Bibl taa yɔ, pɩsɩɣnɩ-wɛ.
NABƐYƐ YƆƆDƲƲ SE: «Bibl kpɛlɩkʋʋ kɛnɩ alɩwaatʋ lesuu.»
-
Suwe ñamaɣzɩɣ? Ɛbɛ yɔɔ?
TOBI LƐ
Bibl tasɩɣ-ɖʋ lɔŋ weyi yɔ, ɩwazɩɣ-ɖʋ paa evemiye nɖɩ; kicosuu tɔm kɩcɛyɩtʋ ndʋ ɖɩpɔzʋʋ ɖa-tɩ yɔ tɩ-yɔɔ nɛ kɩhɛzɩɣ ɖa-laŋɩyɛ nɛ kɩhaɣ-ɖʋ lidaʋ.
Tɔm taa tazʋʋ
-
Lɔŋ tasʋʋ mbʋ ɖɩpɩzɩɣ nɛ ɖɩna Bibl taa?
-
Tɔm ndʋ tɩ-yɔɔ Bibl cosuu yɔ, tɩ-taa natʋyʋ lɛ ndʋ?
-
Tɔm ndʋ ŋsɔɔlaa se ŋkpɛlɩkɩ Bibl taa?
WONDU LƐƐTƲ
Kalɩ nɛ ŋna ɛzɩma Bibl lɔŋ tasʋʋ wazɩɣ sɔnɔ yɔ.
Cɔna nɛ ŋna ɛzɩma Bibl sɩnɩ abalʋ weyi ɛlʋkaɣnɩ lɩmaɣza kɩdɛkɛda naayɛ kpaɣnɩ ɖooo ɛ-pɩjatʋ taa yɔ.
Tazɩ lɔŋ kɩbaŋ weyi Bibl tasɩɣ pɩlɩɩnɩ hɔʋ taa wezuu caɣʋ yɔɔ yɔ ɩ-taa.
Cɔna nɛ ŋna ɛzɩma Bibl sɩnɩ ɛyaa sakɩyɛ nɛ pɔlɔ cɛtɩm tɔm ndʋ tɩ-yɔɔ petisaɣ pɩlɩɩnɩ weyi eɖiyiɣ ɛjaɖɛ yɔ.
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
