Kʋñɔmɩŋ weyi ɛyaa kʋʋ nɛ mulum pɔkɔŋna yɔ, Yesu sɩmɩ-ɩ camɩyɛ. Pɛcɛtɩnɩ ɛ-taa, pamabɩ-ɩ siŋŋ, pomuli-i tɔm ɖɩhʋyɛ, pakʋ ɛ-tɔm ɖulum nɛ pakamɩ-ɩ nɛ ɛnɩɩ siziŋ. Ɛtaawɛɛkɩ nabʋyʋ, ɛlɛ etisini ɛ-laŋɩyɛ faaa nɛ ɛlaa «e-wezuu se pɩkɛ kɩhɛyʋʋ ɛyaa sakɩyɛ ñʋʋ taa.» (Maatiyee 20:28; Yohanɛɛsɩ 15:13) Lɛɛlɛɛyɔ ɛpɩsɩ Ɛsɔ Kewiyaɣ Wiyaʋ, pɩkazɩ pazɩ ɛkaɣ yebu nɛ siɣsiɣ wɛtʋ wɛɛ tɛtʋ kpeekpe yɔɔ, ɛkaɣ yebu ɖɔɖɔ nɛ ɛyaa kʋʋ sɩɩ tɩnaɣ tam.—Izaayii 42:3.

 Bibl yɔɔdʋʋ ɛzɩma tɛtʋ kaɣ wɛʋ alɩwaatʋ ndʋ Yesu paɣzɩɣ ɛ-tʋmɩyɛ yɔ:

•   «Kañatʋ tɩnaa ɩɩkaɣ tasʋʋ wɛʋ; ŋkaɣ cɔnʋʋ ɖenɖe paawɛɛ yɔ, nɛ paakaɣ tasʋʋ wɛʋ peeɖe. Ɛlɛ tɛtʋ kaɣ pɩsʋʋ hɛɛɛ tɩnaa ñɩm, nɛ pa-taa kaɣ labʋ leleŋ siŋŋ, mbʋ pʋyɔɔ yɔ laŋhɛzɩyɛ tɔyʋʋ.»—Keɣa 37:10, 11.

 Mbʋ mbʋ Yesu labɩ-ɖʋ nɛ pɩkazɩ pazɩ mbʋ mbʋ ɛkaɣ-ɖʋ labʋ yɔ pʋyɔɔ lɛ, ɛzɩma ɖɩpɩzɩɣ nɛ ɖɩwɩlɩ ɖɛ-ɛsɩmɩyɛ? Ɛzɩ pamaʋ Luka 22:19 taa yɔ, Yesu heyi ɛ-wayɩ tɩŋɩyaa se pɔtɔzɩ ɛ-sɩm yɔɔ. Pʋyɔɔ lɛ, pɩnaɣ kanɛ Yesu sɩm evemiye tɔlʋʋ evemiye nɖɩ ɖi-wiye yɔ, Yehowa Aseɣɖe Tɩnaa kpeɣliɣ se pala sɔnzɩ nasɩyɩ. Ðɩyaɣ-ŋ se ŋkɔɔ nɛ ŋkpɛndɩ ɖɔ-yɔɔ nɛ ɖɩla Yesu sɩm yɔɔ tɔzʋʋ sɔnzɩ nzɩ Kujuka 24 mars 2024 wiye.

Ñɩnɩ ɖenɖe palakɩ-sɩ yɔ