Izaayii 2:1-22
2 Tɔm tʋnɛ Amoozɩ pɩyalʋ Izaayii nawa pɩlɩɩnɩ Yuuda nɛ Yeruzalɛm pɔ-yɔɔ:+
2 Kɛdɛzaɣ kɩyakɩŋ taa lɛ,*Yehowa ɖɩɣa pʋʋKaɣ kam camɩyɛ pʋŋ ñʋŋ yɔɔ,+Nɛ kɩkaɣ kʋyʋʋ piyisi ñʋŋ yɔɔ,Nɛ ajɛɛ kpeekpe kaɣ lɔtʋʋ nɛ awolo kɩ-yɔɔ.+
3 Nɛ samasɩ sakɩyɛ kaɣ wobu nɛ sɩyɔɔdɩ se:
«Ɩkɔɔ nɛ ɖɩkpa Yehowa pʋʋ yɔɔ,Yakɔɔb tɛ Ɛsɔ ɖɩɣa taa.+
Ɛkaɣ-ɖʋ wɩlʋʋ ɛ-nʋmɔŋ,Nɛ ɖɩkaɣ ɖɔm ɛ-nʋmɔsɔkasɩ taa.»+
Mbʋ pʋyɔɔ yɔ paɣtʋ* kaɣ lɩnʋʋ Siyɔŋ,Nɛ Yehowa tɔm kaɣ lɩnʋʋ Yeruzalɛm.+
4 Ɛkaɣ tɔm hʋʋ ajɛɛ hɛkʋ taaNɛ ɛñɔɔzɩ mbʋ pɩtɩtʋʋzɩ yɔ samasɩ sakɩyɛ taa.
Pakaɣ kpaɣʋ pa-laɣla nɛ polubini hakiŋNɛ pakpaɣ pa-kɩgbɛzɛmɩŋ nɛ polubini loozonaa.+
Ɛjaɖɛ naɖɩyɛ ɛɛkaɣ kpazʋʋ laɣɖɛ ɛjaɖɛ lɛɛɖɛ yɔɔ,Nɛ paakaɣ tasʋʋ kpɛlɩkʋʋ you labʋ.+
5 Hayɩ Yakɔɔb ɖɩɣa, kɔɔ,Ðɩɖɔ Yehowa ñalɩmɩyɛ taa.+
6 Mbʋ pʋyɔɔ yɔ ŋyebi ña-samaɣ, Yakɔɔb ɖɩɣa,+Mbʋ pʋyɔɔ yɔ wondu ndʋ tɩlɩnɩ Wɩsɩ Ðɩlɩyɛ taa yɔ tisu pɛ-ɛjaɖɛ taa ɖo;Palakɩ maajiki lakasɩ+ ɛzɩ Filistii mba yɔ,Nɛ agɔma piya tɔyɩ pa-taa.
7 Liidiye nɛ sika su pɛ-ɛjaɖɛ taa,Nɛ pa-ñɩm fɛyɩnɩ kamaɣ.
Kpaŋnaŋ su pɛ-ɛjaɖɛ taa,Nɛ pɛ-kɛɛkɛɛnaa fɛyɩnɩ kamaɣ.+
8 Ɛsɔnaa mba pɛfɛyɩ wazaɣ yɔ, posu pɛ-ɛjaɖɛ taa.+
Poluŋuu pa-maɣmaɣ pe-nesi tɛɛ tʋma tɛɛ,Mbʋ pa-maɣmaɣ pe-niwee laba yɔ.
9 Pʋyɔɔ lɛ ɛyʋ luŋuu, etisiɣ ɛ-tɩ,Nɛ ŋŋpɩzɩɣ nɛ ŋkpeɣ-wɛ.
10 Sʋʋ kaaʋ taa nɛ ŋmɛlɩ mʋzʋʋ taaƐzɩma Yehowa pana caɣ sɔɔndʋ yɔ pʋyɔɔNɛ ɛ-paɣlɩka sɔsɔɔ yɔɔ.+
11 Ɛyʋ ɛsa wena akpazɩɣ a-tɩ yɔ pakaɣ-yɛ luzuu,Nɛ ɛyaa cajayɛ kaɣ luŋuu.*
Yehowa ɖeke pakaɣ kpazʋʋ kɩyakʋ ŋgʋ ki-wiye.
12 Mbʋ pʋyɔɔ yɔ yoyaa tɛ Yehowa kɩyakʋ pɩkɛnaa.+
Kɩkɔŋ mba payɩ pɛwɛnɩ tɩ kpazʋʋ nɛ cajayɛ yɔ pɔ-yɔɔ,Kɩkɔŋ paa weyi ɛ-yɔɔ, paa pɩtɩɩkɛ weyi paɖʋʋ-ɩ hɩɖɛ yɔ yaa weyi ɛtɩlɩɩ pʋyʋ yɔ,+
13 Libaŋ sɛɛdrɩ tɩŋ weyi ɩkʋyaa nɛ ɩɖaɣlɩ liɣ liɣ yɔ ɩ-tɩŋa ɩ-yɔɔNɛ Basaanɩ sɛɛnɩ tɩŋ kpeekpe yɔɔ,
14 Pʋŋ kʋkʋyɩŋ tɩŋa yɔɔNɛ piyisi kʋkʋyɩsɩ tɩŋa yɔɔ,
15 Paa tilimiye kʋkʋyɩyɛ nɖɩ lɛ ɖɩ-yɔɔ nɛ paa koloŋa ɖoŋ ñɩŋga ŋga lɛ kɔ-yɔɔ,
16 Tarɩsiisi mɛlɛnaa+ kpeekpe yɔɔNɛ kpɩyɩŋ kɩbaŋ kpeekpe yɔɔ.
17 Pakaɣ tisuu ɛyʋ tɩ kpazʋʋ tataa,Nɛ ɛyaa cajayɛ kaɣ luŋuu.*
Yehowa ɖeke pakaɣ kpazʋʋ kɩyakʋ ŋgʋ ki-wiye.
18 Ɛsɔnaa mba pɛfɛyɩ wazaɣ yɔ pakaɣ mʋʋʋ caɣ caɣ.+
19 Nɛ ɛyaa kaɣ sʋʋ kaaŋ pɔŋ taaNɛ tɛtʋ pɔŋ taa,+Ɛzɩma Yehowa pana caɣ sɔɔndʋ yɔ pʋyɔɔNɛ ɛ-paɣlɩka sɔsɔɔ yɔɔ,+Alɩwaatʋ ndʋ ɛkʋyʋʋ se eyele nɛ sɔɔndʋ kpa tɛtʋ nɛ tiseli yɔ.
20 Puwiye lɛ, ɛyaa kaɣ kpaɣʋ pɛ-ɛsɔnaa mba polubini liidiye nɛ sika nɛ paawazɩɣ pʋyʋ yɔMba paalubi pa-tɩ se poluŋ pɛ-tɛɛ yɔNɛ pɔlɔ-wɛ kɩlɩndɩyɩŋ* nɛ sɛmɩŋ,+
21 Nɛ pakaɣ sʋʋ kaaŋ pɔŋ taaNɛ kaaŋ sɔsɔŋ hɛɛnzɩ taa,Ɛzɩma Yehowa pana caɣ sɔɔndʋ yɔ pʋyɔɔNɛ ɛ-paɣlɩka sɔsɔɔ yɔɔ,Alɩwaatʋ ndʋ ɛkʋyʋʋ se eyele nɛ sɔɔndʋ kpa tɛtʋ nɛ tiseli yɔ.
22 Pɩsa nɛ pɩya mɩ-ñʋʋ lɛ, iyele taʋ liu ɛyʋ yem,Weyi ɛkɛ mɔɔŋ tɛɛ helim yem yɔ.*
Ɛbɛ yɔɔ pɩwɛɛ se pamaɣzɩ ɛ-yɔɔ?
Pɩ-tɛɛ tɔm
^ Yaa «Kɩyakɩŋ ɖɩdɛnɖɛ alɩwaatʋ taa lɛ.»
^ Yaa «wɩlɩtʋ.»
^ Yaa «Nɛ pakaɣ luzuu ɛyaa cajayɛ.»
^ Yaa «Nɛ pakaɣ luzuu ɛyaa cajayɛ.»
^ Kpɩna cikpena wena atɔkɩ pɩdɩɩfɛyɩ yɔ.
^ Yaa «Weyi e-fezuu wɛ ɛ-mɔɔŋ tɛɛ yɔ.»
