Eklezɩyasɩtɩ 3:1-22
3 Paa mbʋ lɛ, pɩ nɛ pɩ-alɩwaatʋ,
Tʋma wena payɩ palakɩ tɛtʋ kpeekpe yɔɔ yɔ, paa nɖɩ lɛ ɖɩ nɛ ɖɩ-alɩwaatʋ:
2 Lʋlʋʋ alɩwaatʋ wɛɛ, nɛ sɩm alɩwaatʋ wɛɛ;Sɔʋ alɩwaatʋ wɛɛ, nɛ mbʋ pɔsɔwa yɔ pɩ-kpɛzʋʋ alɩwaatʋ wɛɛ;
3 Kʋʋ alɩwaatʋ wɛɛ, nɛ waʋ alɩwaatʋ wɛɛ;Yɔkʋʋ alɩwaatʋ wɛɛ, nɛ maʋ alɩwaatʋ wɛɛ;
4 Wiu alɩwaatʋ wɛɛ, nɛ woŋuu alɩwaatʋ wɛɛ;Peenduu alɩwaatʋ wɛɛ, nɛ paʋ* alɩwaatʋ wɛɛ;
5 Pɛɛ lɔʋ alɩwaatʋ wɛɛ, nɛ pɛɛ kpeɣluu alɩwaatʋ wɛɛ;Alɩwaatʋ wɛɛ se ɛyʋ ekpi lɛlʋ atuuu, nɛ alɩwaatʋ wɛɛ se ɛyʋ ɛkpa ɛ-tɩ nɛ etaakpi lɛlʋ atuuu;
6 Ñɩnʋʋ alɩwaatʋ wɛɛ, nɛ alɩwaatʋ wɛɛ se petisi se nabʋyʋ leba;Ðɔkʋʋ alɩwaatʋ wɛɛ, nɛ lɔʋ alɩwaatʋ wɛɛ;
7 Cɩyʋʋ alɩwaatʋ wɛɛ,+ nɛ ñɛyʋʋ alɩwaatʋ wɛɛ;Tamɩyɛ sum alɩwaatʋ wɛɛ,+ nɛ yɔɔdʋʋ alɩwaatʋ wɛɛ;+
8 Sɔɔlɩm alɩwaatʋ wɛɛ, nɛ paɖɩyɛ alɩwaatʋ wɛɛ;+You alɩwaatʋ wɛɛ, nɛ laŋhɛzɩyɛ alɩwaatʋ wɛɛ.
9 Kɛzɛɣa ŋga tʋmlaɖʋ hikiɣ pana wena payɩ ɛñakɩ yɔ a-taa?+
10 Mana tʋmɩyɛ nɖɩ Ɛsɔ ɖʋ ɛyaa piya se sɩwɛɛ ɖɩ-labʋ yɔɔ yɔ.
11 Ɛlabɩ paa mbʋ lɛ pɩ-alɩwaatʋ yɔɔ nɛ pɩwɛɛ kajʋka.*+ Halɩ ɛɖʋ tamtam wɛʋ ɛyaa laŋa taa; paa mbʋ yɔ, tʋmɩyɛ nɖɩ Ɛsɔ toovenim tʋ laba yɔ, ɛyaa ɩɩkaɣ-ɖɩ tɩlʋʋ kpaɣnɩ ɖɩbazɩyɛ nɛ piwolo ɖɩdɛnɖɛ kpa.
12 Mɔnkɔ tɔm ñʋʋ se nabʋyʋ fɛyɩ-wɛ weewee nɛ pɩkɩlɩ se panɩɩ leleŋ nɛ pala kɩbandʋ pe-wezuu caɣʋ taa;+
13 pɩtasɩ lɛ, pɩwɛɛ se paa weyi ɛtɔɔ nɛ ɛñɔɔ nɛ ɛnɩɩ leleŋ tʋma ɖoŋ ñɩna wena payɩ ɛlakɩ yɔ a-taa. Pɩkɛnɩ Ɛsɔ kʋjɔʋ.+
14 Mɔnkɔm nɛ menɖiɣzina se mbʋ payɩ Ɛsɔ Toovenim tʋ lakɩ yɔ, pɩkaɣ wɛʋ tam. Nabʋyʋ fɛyɩ se pɔsɔzʋʋ pɩ-yɔɔ, nɛ nabʋyʋ fɛyɩ se palɩzɩɣ pɩ-yɔɔ. Ɛsɔ toovenim tʋ labɩ mbʋ se pɩsa nɛ ɛyaa se-i sɔɔndʋ.+
15 Mbʋ pɩlakɩ yɔ, pɩɩtɛm labʋ; nɛ mbʋ pɩkaɣ kɔm yɔ, pɩɩtɛm wɛʋ;+ ɛlɛ Ɛsɔ toovenim tʋ ñɩnɩɣ mbʋ ɛyaa seɣaɣ pɩ-wayɩ yɔ.*
16 Mana pʋnɛ ɖɔɖɔ tɛtʋ yɔɔ cɩnɛ:* Tɔm hʋʋ siɣsiɣ ñɩmbʋ lone taa lɛ, kañatʋ lakasɩ wɛna; nɛ siɣsiɣ wɛtʋ lone taa lɛ, kañatʋ lakasɩ wɛna.+
17 Ðɩnɛ ɛlɛ mɔyɔɔdɩ ma-laŋɩyɛ taa se: «Ɛsɔ toovenim tʋ kaɣ tɔm hʋnʋʋ ɛyʋ siɣsiɣ tʋ nɛ kañatʋ tʋ pa-naalɛ;+ mbʋ pʋyɔɔ yɔ paa tʋmɩyɛ nɖɩ, nɛ paa lakasɩ nzɩ lɛ, sɩ nɛ sɩ-alɩwaatʋ.»
18 Mantasɩ yɔɔdʋʋ ma-laŋɩyɛ taa ɛyaa piya yɔɔ se Ɛsɔ toovenim tʋ kaɣ-wɛ takʋʋ nɛ ɛwɩlɩ-wɛ se pɛwɛ ɛzɩ kpɩna yɔ,
19 mbʋ pʋyɔɔ yɔ ɛyaa wezuu wɛnɩ tɩnaɣ, nɛ kpɩna wezuu wɛnɩ tɩnaɣ; pʋyʋ kʋɖʋm pɩtɛŋnɩ ɛyaa nɛ kpɩna.+ Ɛzɩ kpɩna sɩkʋʋ yɔ, mbʋ ɖɔɖɔ ɛyaa sɩkɩ; pa-tɩŋa pɛwɛnɩ fezuu kʋɖʋmʋʋ.+ Pʋyɔɔ lɛ ɛyʋ tɩkɩlɩ kpɩna, mbʋ pʋyɔɔ yɔ pɩtɩŋa pɩkɛ falaa.
20 Pa-tɩŋa powoki ɖoli kʋɖʋm.+ Mʋzʋʋ taa pa-tɩŋa palɩnaa+ nɛ mʋzʋʋ pa-tɩŋa pakaɣ ɖaɣnʋʋ pɩsʋʋ.+
21 Ɛzɩ ɛyʋ fezuu kpaɣ hayo nɛ kpɩnɛ fezuu ñetiki tɛtɛɛ?+ Asɩma ɖeyi ɖeyi?
22 Nɛ mana se nabʋyʋ fɛyɩ ɛyʋ weewee nɛ pɩkɩlɩ se ɛnɩɩ leleŋ ɛ-tʋmɩyɛ labʋ taa,+ mbʋ pʋyɔɔ yɔ ɛ-kɩhɛyʋʋ* lɛ; mbʋ pʋyɔɔ yɔ apɩzɩɣ nɛ ɛha-ɩ waɖɛ se ɛna mbʋ pɩkaɣ labʋ ɛ-sɩm wayɩ yɔ?+
Pɩ-tɛɛ tɔm
^ Piye piye, «maʋ.»
^ Yaa «nɛ ɛñɔɔzɩ-pʋ camɩyɛ; nɛ pɩmʋna.»
^ Pɩpɩzɩɣ pɩkɛ, «ñɩnɩɣ mbʋ pɩtɛm ɖɛʋ yɔ.»
^ Piye piye, «pʋnɛ ɖɔɖɔ wɩsɩ tɛɛ.»
^ Yaa «e-ɖeɖe.»
