TIMEƔRI TIS 03

Nezmer a neţkel ɣef Wedlis Iqedsen?

SEL S

Aṭas n lewɛud akk-d lewṣayat i neţţaf deg Wedlis Iqedsen. Ahat tebɣiḍ aţ-ţeẓreḍ d acu i gesselmad, meɛna si lǧiha nniḍen, teqqareḍ-as wissen ma nezmer a neţkel fell-as. Dɣa d ṣṣeḥ nezmer a neţkel ɣef tektabt yeţwaketben acḥal n leqrun aya? Ayen i d-yeqqar Wedlis Iqedsen yezmer a ɣ-yenfeɛ ass-a? Nezmer a namen s wayen i d-yenna a d-yeḍru ɣer zdat? D imelyunen n lɛibad ara d-iǧawben “ih” ɣef yesteqsiyen-agi. I kečč? Yelha lukan aţ-ţnadiḍ s yiman-ik ɣef leǧwab.

1. Ayen yellan deg Wedlis Iqedsen yeḍra-d s ṣṣeḥ, neɣ ţ-ţimucuha kan?

Adlis Iqedsen yenna-d ɣef yiman-is belli ‘yeqqar-ed ṣṣeḥ, s imeslayen iwulmen’ (Amusnaw 12:10). Ihdeṛ-ed ɣef temsal i geḍran s ṣṣeḥ, ibder-ed daɣen irgazen ţ-ţlawin iɛacen zik-nni (ɣer-ed Luqa 1:3; 3:1, 2). Aṭas n imusnawen n ttarix i d-yefkan ţţbut belli Adlis Iqedsen iṣeḥḥa, ama di leḥwayeǧ i d-yeḥka, ama ɣef lweqt ideg i d-ḍrant, ama ɣef yergazen ţ-ţlawin i d-yebder.

2. Acuɣer i nezmer a d-nini belli Adlis Iqedsen mazal-it yeṣleḥ?

Aṭas n temsal iɣef i d-yehdeṛ Wedlis Iqedsen uqbel ad ţwissnent. Ɣef lemtel, ayen i d-yenna ɣef tussna (lɛilm), iṣeḥḥa. Ɣas akken, di zzman ideg i geţwakteb, aṭas n lɣaci ur nemsefham ara ɣef temsal-agi yeɛnan tussna. Armi i d umbeɛd i d-ufan imusnawen belli ayen i d-yeqqar Wedlis Iqedsen iṣeḥḥa. Adlis Iqedsen ‘ireṣṣa ɣef tideţ akk-d lḥeqq’ yerna ‘ibedd si lebda, i dayem’ (Ahellil 111:8).

3. Acuɣer i nezmer a neţkel belli ayen i d-yewɛed Wedlis Iqedsen a d-yeḍru ɣer zdat?

Deg Wedlis Iqedsen llant licaṛat a i d-yeţxebbiṛen “s wayen i d-iţeddun, uqbel a d-iḥdeṛ” (Icɛaya 46:10). Yemmeslay-ed ɣef kra n temsal aṭas n lweqt uqbel a d-ḍrunt. Yenna-d daɣen swaswa amek ara tili liḥala-nneɣ ass-agi. Di tmeɣri-yagi, a nwali kra n licaṛat n Wedlis Iqedsen. Aţ-ţwehmeḍ m’ara twaliḍ belli ḍrant-ed swaswa!

A NNADI A NEFHEM AKTEṚ

A nwali kra n temsal i d-tessefham tussna, iɣef i d-yehdeṛ Wedlis Iqedsen, w’a nẓer kra n licaṛat yessewhamen.

4. Adlis Iqedsen yeɛdel akk-d tussna

Zik-nni, aṭas i gɣilen belli lqaɛa ters ɣef kra n lḥaǧa. Walit BIDYU-YAGI.

BIDYU: Lqaɛa ters ɣef wulac (1:13)

A nwali d acu i d-tenna tektabt n Yub azal n 3 500 sna ayagi. Ɣret-ed Yub 26:7, mbeɛd hedṛet ɣef westeqsi-yagi:

Ayɣer d ayen issewhamen imi i d-yeqqar Wedlis Iqedsen belli lqaɛa ‘tɛelleq ɣef wulac’?

Armi d iseggasen 1800 d asawen i ssawḍen imusnawen ad fehmen ansi i d-tekken waman n ugeffur (lehwa). Lameɛna Adlis Iqedsen yessefhem-ed ayagi d luluf iseggasen uqbel. Ɣret-ed Yub 36:27, 28, mbeɛd hedṛet ɣef yesteqsiyen-agi:

Ayɣer i gessewham wamek i d-issefhem Wedlis Iqedsen s sshala ansi i d-tekken waman n ugeffur?
Zemren a k-ɛiwnen yefyar-agi i d-neɣra akken aţ-ţţekleḍ akteṛ ɣef Wedlis Iqedsen?

5. Adlis Iqedsen icar-ed ɣef kra n tedyanin yesɛan azal

Ɣret-ed Icɛaya 44:27–45:2, mbeɛd hedṛet ɣef westeqsi-yagi:

D acu i d-icar Wedlis Iqedsen ɣef temdint n Babil (Babilun) 200 iseggasen uqbel aţ-ţenger?

Walit BIDYU-YAGI.

BIDYU: Adlis Iqedsen icar-ed nnger n temdint n Babil (0:58)

Ttarix ibeggen-ed belli agellid n Faras, yeţţusemman Sirus, akk-d lɛeskeṛ-is ṭṭfen tamdint n Babil deg useggas n 539 uqbel Ɛisa. Rẓan-as targa i wasif i d-yezzin i temdint-agi akken ad neqsen deg-s waman. Kecmen ɣer temdint axaṭer ufan tiwwura ldint yerna steɛmṛen-ţ mebla ma ssekren ṭṭrad. Ass-a, 2 500 sna mbeɛd, Babil tuɣal d ixeṛban. A nwali d acu i d-icar fell-as Wedlis Iqedsen.

Ɣret-ed Icɛaya 13:19, 20, mbeɛd hedṛet ɣef westeqsi-yagi: