TIMEƔRI TIS 02

Adlis Iqedsen yeţţak-aɣ-d asirem

SEL S

Di ddunit meṛṛa, lɛibad ţqabalen liḥalat i ten-isseḥzanen, i ten-yeţqelliqen, neɣ i ten-yeţmeḥḥinen. Yella wasmi d-tesɛeddaḍ yiwet ger liḥalat-agi? Ahat thelkeḍ, neɣ ahat yemmut win ɛzizen fell-ak. Izmer lḥal teqqareḍ-as: “Aţ-ţeqɛed yiwen wass liḥala?” Deg Wedlis Iqedsen, aţ-ţafeḍ leǧwab ara k-yessefṛḥen.

1. D acu-t usirem yellan deg Wedlis Iqedsen?

Adlis Iqedsen yessefhem-ed acuɣer akka i terwi ddunit, meɛna yefka-d daɣen yiwen n lexbaṛ yessefṛaḥen: issefhem-ed belli iɣeblan-nneɣ meṛṛa ur ţɛeṭṭilen ara ad ţwikksen. Adlis Iqedsen yewɛed ad yili ‘uzekka’, yeɛni ussan yelhan ɣer zdat, akk-d “usirem” (ɣer-ed Irmiya 29:11, 12). Lewɛud-agi ţɛawanen-aɣ akken a nqabel iɣeblan-nneɣ, a neţwali leḥwayeǧ s wudem ilhan yerna a nili s ṣṣeḥ di lfeṛḥ.

2. D acu i gewɛed Wedlis Iqedsen a d-yeḍru ɣer zdat?

“Ur teţţuɣal ara a d-tili lmut; ur d-iţţili leḥzen, wala leɛyaḍ, wala lqerḥ” (ɣer-ed Aweḥḥi 21:4). Adlis Iqedsen yewɛed belli qrib a d-yeḍru wayagi. Iɣeblan meṛṛa i geţţarran tamɛict-nneɣ tewɛeṛ, am lbaṭel, lehlak akk-d lmut, ad ţwikksen. Adlis Iqedsen yewɛed belli lɛibad ad afen lbenna di temɛict-nsen di lǧennet ɣef lqaɛa.

3. Amek ara neţţuqenneɛ belli a d-ḍrun lewɛud n Wedlis Iqedsen?

Aṭas n leḥwayeǧ i ssaramen lɣaci, acu kan ar ɣur-sen, wissen ma a d-yeḍru wayen akk i ssaramen. Meɛna ulac akk ccekk, lewɛud n Wedlis Iqedsen a d-ḍrun. Akken a neţţuqenneɛ s wayagi, ilaq ‘a nessenqad Tira’, yeɛni a neqqar Adlis Iqedsen w’a neţmeyyiz fell-as (Lecɣal 17:11). M’ara txeddmeḍ ayagi, aţ-ţwaliḍ s yiman-ik ma yewwi-d lḥal aţ-ţamneḍ s lewɛud-agi neɣ ala.

A NNADI A NEFHEM AKTEṚ

A nwali amek ara tili tudert asm’ara d-ḍrun lewɛud n Wedlis Iqedsen. A nẓer daɣen amek i gezmer a ɣ-iɛiwen si tura usirem yellan deg-s.

4. Adlis Iqedsen iwɛed-aɣ tamɛict ikemmlen yerna i dayem

A nɣer lwaḥid lewɛud-agi yellan deg Wedlis Iqedsen. Anwi i k-iɛeǧben akteṛ? Acuɣer?

Ɣret-ed ifyar i d-yeţwabedren zdat n mkul lweɛd, mbeɛd meyyzet ɣef yesteqsiyen-agi:

Ţţaken-ak-d yefyar-agi asirem? Ɛlaḥsab-ik, zemren ad ɛiwnen tawacult-ik akk-d leḥbab-ik akken ad sɛun asirem?

Xayel-ed ddunit ideg:

ULAC...	LƐIBAD MEṚṚA...
win ara yessufrin, win ara yeqqlen d amɣar, neɣ win ara yemmten (Icɛaya 25:8).	ad ɛiwden ad ẓren wid ɛzizen fell-asen yemmuten, asm’ara d-uɣalen ɣer tudert ɣef lqaɛa (Yuḥenna 5:28, 29).
win ara ihelken neɣ win ara yilin d aɛiban (Icɛaya 33:24; 35:5, 6).	ad sɛun ṣṣeḥḥa yelhan akk-d tezmert (Yub 33:25).
win iɣef ara iɛeddi lbaṭel (Icɛaya 32:16, 17).	a ten-id-tṣaḥ lmakla s lketṛa, ad sɛun ixxamen yelhan akk-d uxeddim lɛali (Ahellil 72:16; Icɛaya 65:21, 22).
win ara tmeḥḥen lgirra (Ahellil 46:10).	ad ɛicen di lehna (Ahellil 37:11).
win ara yessufrin ɛlaǧal n wayen i gesɛedda zik (Icɛaya 65:17).	ad ɛicen i lebda yerna kullec ad yili igerrez (Ahellil 37:29).

5. Asirem yellan deg Wedlis Iqedsen yezmer ad ibeddel tudert-ik

Aṭas n lɣaci, m’ara ţwalin iɣeblan i sen-d-yezzin, feččlen yerna zeɛɛfen. Kra ţnadin ad beddlen liḥala. Wali amek i tessaweḍ yiwet n tmeṭṭut aţ-ţaf ṣṣber si tura axaṭer tumen belli aţ-ţeqɛed ddunit. Walit BIDYU-YAGI, mbeɛd hedṛet ɣef yesteqsiyen-agi:

BIDYU: Lliɣ bɣiɣ ad dafɛeɣ ɣef lḥeqq (4:07)

D acu-t lbaṭel i gɛeddan ɣef Rafika?
Ɣas akken ur yekkis ara lbaṭel-agi, amek i gɛawen Wedlis Iqedsen Rafika?

Asirem yellan deg Wedlis Iqedsen, yeɛnan ussan yelhan i d-iteddun, a ɣ-iɛiwen akken a neɣleb ayen i ɣ-yessefcalen w’a nqabel cceddat-nneɣ. Ɣret-ed Lemtul 17:22 akk-d Iṛumaniyen 12:12, mbeɛd hedṛet ɣef yesteqsiyen-agi: