Idi Lunes, Pebrero 13, 2023, inruar ti Centers for Disease Control and Prevention (CDC) iti United States ti report maipapan iti mental a salun-at dagiti tin-edyer iti U.S. Ipakitana a nasurok a 40 porsiento nga estudiante iti hayskul ti makarikrikna iti agtultuloy a kinaliday ken kinaawan namnama.

 Imbaga ni Dr. Kathleen Ethier, direktor ti CDC ti Division of Adolescent and School Health (DASH): “Nupay nakitatayo a kimmaro ti problema iti mental health dagiti agtutubo iti naglabas a 10 a tawen, nakarkaro manen ita dayta ken umad-adu ti mangpampanunot ken mangpadpadas nga agpakamatay kadagiti tin-edyer a babbai.”

 Ipakita ti report a:

•   Nasurok a 1 iti 10 a tin-edyer a babbai (14 porsiento) ti napilit a makiseks uray dida kayat. “Talaga a makapadanag daytoy,” imbaga ni Dr. Ethier. “Iti kada 10 a tin-edyer a babbai nga am-ammoyo, maysa kadakuada, wenno posible nga ad-adu pay, ti na-rape.”

•   Dandani 1 iti 3 a tin-edyer a babbai (30 porsiento) ti nagplano nga agpakamatay.

•   Dandani 3 iti 5 a tin-edyer a babbai (57 porsiento) ti nakarikna iti agtultuloy a kinaliday wenno kinaawan namnama.

 Makapaladingit unay dagitoy a report. Tiempo koma ti kinaragsak ti kinaagtutubo. Ania ti makatulong kadagiti tin-edyer tapno malabananda ti stress? Ania ti ibaga ti Biblia?

Mangted ti Biblia iti praktikal a tulong kadagiti tin-edyer

 Husto ti panangdeskribir ti Biblia a makapa-stress a tiempo ti pagbibiagantayo ita. Awaganna dayta kas “delikado ken narigat a tiempo.” (2 Timoteo 3:1-5) Ngem mangipapaay ti Biblia kadagiti kanayon a praktikal a balakad a tumultulong kadagiti minilion a tin-edyer iti intero a lubong tapno kayada a sanguen dagiti problemada. Kitaenyo dagiti sumaruno a naibatay iti Biblia nga artikulo.

•   Kasanon No Diakon Kayat ti Agbiag?

•   Kayatkon ti Matay—Makatulong Kadi ti Biblia No Mapampanunotko ti Agpakamatay?

•   Apay a Dika Sumuksuko?

•   Kasanok a Malabanan ti Depression?

•   Kasanok a Maisardeng ti Negatibo a Panagpampanunot?

•   Kasanok a Sanguen ti Panagdandanag?

•   Kasanok a Makontrol ti Emosionko?

•   Suktam ni Liday iti Kinaragsak (whiteboard animation)

•   Ania ti Aramidek no Adda Mang-bully Kaniak?

•   Kasanok a Sanguen ti Cyberbully?

•   Maabakmo ti Bully Uray Dika Lumaban (whiteboard animation)

•   Ania ti Aramidek no Adda Mangbastos Kaniak?

•   Ania ti Masapul a Maammuak Maipapan iti Seksual a Panangatake?—Paset 1: Panagannad

•   Ania ti Masapul a Maammuak Maipapan iti Seksual a Panangatake?—Paset 2: Panangiliwliwag

Mangted ti Biblia iti praktikal a tulong kadagiti nagannak

 Mangted met ti Biblia kadagiti praktikal a balakad para kadagiti nagannak tapno matulonganda dagiti tin-edyer nga annakda a mangsango kadagiti problemada. Kitaenyo dagiti sumaruno a naibatay iti Biblia nga artikulo.

•   Depression Kadagiti Tin-edyer—Ania ti Makagapu ken Makatulong?

•   No Mais-stress ti Balasitangmo

•   Kasanon no Mabul-bully ti Anakko?

•   No Dangdangran ti Anakmo ti Bagina

•   Ubbing ken Social Media—Paset 1: Okey Laeng Kadi nga Agusar ti Anakko iti Social Media?

•   Ubbing ken Social Media—Paset 2: Isuroyo ti Tin-edyeryo iti Naannad a Panagusar iti Social Media

•   Annak ken Smartphone—Paset 1: Ikkak Kadin ti Anakko iti Smartphone?

•   Annak ken Smartphone—Paset 2: Isurom ti Anakmo a Responsable a Mangusar iti Smartphone

•   No Kasanom a Kasarita ti Anakmo Maipapan iti Sexting