Kati Aku Patut Nyadi Saksi-Saksi Jehovah enti Aku Belajarka Bup Kudus enggau Sida?

TEBAH

Enda. Nuan empu patut ngaga pemutus. Bejuta iku orang rindu belajarka Bup Kudus enggau kami, tang ukai reti iya sida patut nyadi Saksi-Saksi Jehovah. a Tuju program tu, deka nerangka ajar Bup Kudus ngagai nuan. Nuan empu patut berunding baka ni deka nitihka penemu nya. Kami amat bebasaka pemutus tiap iku orang ke bekaul enggau pengarap.—Joshua 24:15.

Ulih ngena Bup Kudus aku empu maya belajar?

Tentu ulih. Kami gaga enti kita deka ngena Bup Kudus kita empu, taja pan kami rindu agi ngena Bup Kudus Salin Dunya Baru. Bup Kudus ke dikena kami nya ngena bansa jaku ti baru agi, lalu enti nuan deka, kami ulih meri siti ke nuan. b Enda ngira nama bansa jaku Bup Kudus, nuan ulih belajarka jaku dalam Bup Kudus ti meri kitai pengadang pasal jemah ila, sereta ulih nyelamatka kitai.

Nama kebuah ngajar Bup Kudus ngagai orang ke enda sama pengarap enggau nuan?

Ketegal pengerindu kami ngagai Petara Jehovah, kami sanggup ngereja nya. Iya dekaka semua orang Kristian ngajar orang bukai pasal penemu ti patut ditemu sida. (Matthew 22:37, 38; 28:19, 20) Kami amat beterima kasihka peluang ti spesial ‘bekereja enggau Petara.’—1 Korint 3:6-9.
Kami mega rinduka orang bukai. (Matthew 22:39) Kami amat gaga ati bekunsika penemu ti ulih meri penguntung ngagai orang bukai.—Kereja Rasul 20:35.

a Ba taun 2023, kami udah belajarka Bup Kudus enggau 7,281,212 iku pemelajar tiap bulan, lalu mayuh ari sida begulai enggau beberapa iku orang sekali belajar. Tang ba taun ti sama, semina 269,517 iku orang ke dibaptisa nyadi Saksi-Saksi Jehovah.

b Ke diatu, Bup Kudus Salin Dunya Baru, bedau bisi dalam bansa jaku Iban. Enti kita ka, kita ulih minta bansa jaku Melayu.