Kati Jesus Nya Messiah Baka ke Dipadah ba Bup Kudus?
Saut Bup Kudus
Au. Lebuh ba dunya, Jesus ngamatka mayuh utai ti dipadah pasal Messiah, “Tuai ke Dipilih”, ke deka nyadi “Juruselamat dunya.” (Daniel 9:25; 1 John 4:14) Indah pengudah pemati iya, Jesus ngamatka utai ti dipadah pasal Messiah.—Masmur 110:1; Surat Kereja Rasul 2:34-36.
Nama reti “Messiah”?
Leka jaku Hebrew Ma·shiʹach (Messiah) enggau leka jaku Gerika Khri·stos (Kristus) mai reti “Orang ke Dipilih.” Nya alai, reti “Jesus Kristus” iya nya “Jesus, orang ke Dipilih,” tauka “Jesus ke nyadi Messiah.”
Maya jeman Bup Kudus, minyak ditata ba atas pala seseiku orang lebuh sida dipilih megai pengawa ti spesial. (Adat Lewi 8:12; 1 Samuel 16:13) Jesus dipilih Petara nyadika Messiah—penuduk ti amat tinggi. (Surat Kereja Rasul 2:36) Taja pia, Petara milih Jesus ukai ngena mimyak, tang ngena roh kudus Iya.—Matthew 3:16.
Kati utai ti dipadah ba Bup Kudus pasal Messiah ulih dikeamatka lebih ari seiku orang?
Enda. Baka chap jari ke ulih nulung kitai tetemuka seiku orang, jaku benabi dalam Bup Kudus ulih nulung kitai tetemuka seiku aja Messiah, tauka Kristus. Taja pia, Bup Kudus meri jaku tangkan tu, ‘Kristus ti pelesu, enggau nabi ti pelesu endang deka pegari, lalu ngereja kereja ajih, enggau kereja ti nyelai, kena sida nesatka nembiak ti udah dipilih Petara, enti ulih.’—Matthew 24:24.
Kati Messiah deka datai jemah ila?
Enda. Bup Kudus madahka Messiah deka datai ari peturun Raja David di menua Israel. (Masmur 89:3, 4) Taja pia, lis tusut peturun orang Judah ke mai ngagai Raja David udah lenyau, engka udah dirusak lebuh orang Rome ngalahka nengeri Jerusalem ba taun 70 S.M. a Kenyau ari nya, nadai orang ulih ngumbai sida datai ari peturun Raja David. Tang, maya jeman Jesus, rikud peturun nya agi bisi. Nya alai, indah munsuh Jesus enda ulih madahka Jesus ukai ari peturun David—Matthew 22:41-46.
Berapa kali utai ke bekaul enggau Messiah bisi disebut dalam Bup Kudus?
Kitai enda ulih madah enggau silik berapa kali utai ke bekaul enggau Messiah bisi ditulis dalam Bup Kudus. Ambika chunto, bisi mayuh chara kena ngitung penyampau utai ti ditulis pasal Messiah. Isaiah 53:2-7 madahka mayuh utai pasal Messiah. Sekeda orang ngumbai semua ayat tu siti jaku benabi aja. Tang bisi orang bukai ngumbai semua ayat tu ngembuan mayuh jaku benabi ti enda sama.
Sekeda utai ti dipadah Bup Kudus pasal Messiah ke dikeamat nengah Jesus
Utai ti dipadah Bup Kudus |
Ditemu ba |
Dikeamatka |
|---|---|---|
Peturun Abraham |
||
Peturun Isak anak Abraham |
||
Datai ari peturun bansa Judah di Israel |
||
Peturun Raja David |
Isaiah 9:7 |
|
Diadaka seiku indu dara bungas |
Isaiah 7:14 |
|
Diadaka ba Betlehem |
Mikah 5:2 |
|
Dikangau ngena nama Imanuel b |
Isaiah 7:14 |
|
Pun pengidup ti penumbas iya |
Isaiah 53:2 |
|
Anak mit dibunuh pengudah iya diadaka |
Jeremiah 31:15 |
|
Dikangau pansut ari menua Ejip |
Hosea 11:1 |
|
Dikumbai orang Nasaret c |
Isaiah 11:1 |
|
Seiku seruan nyediaka jalai ke iya |
Malaki 3:1 |
|
Dipilih nyadi Messiah ba taun 29 M. d |
Daniel 9:25 |
|
Diaku Petara nyadi Anak Iya |
Masmur 2:7 |
|
Ransing ati ke Rumah Sembiang Petara |
Masmur 69:9 |
|
Nusui berita manah |
Isaiah 61:1 |
|
Pengawa nginjil iya ba Galili mancharka penampak |
Isaiah 9:1, 2 |
|
Ngereja pengawa ajih baka Moses |
||
Baka Moses, iya madahka pesan Petara |
||
Ngeraika mayuh orang ti sakit |
Isaiah 53:4 |
|
Enda minta diperatika |
Isaiah 42:2 |
|
Ngayanka pengasih ngagai orang ke merinsa |
Isaiah 42:3 |
|
Ngayanka pengelurus Petara |
Isaiah 42:1, 4 |
|
Orang ti landik meri jaku lalau |
Isaiah 9:6, 7 |
|
Madahka nama Jehovah |
Masmur 22:22 |
|
Bejaku ngena sempama |
Masmur 78:2 |
|
Seiku Ketuai |
Daniel 9:25 |
|
Mayuh orang enda pechayaka iya |
Isaiah 53:1 |
|
Batu ti ngasuh orang tesangkut |
Isaiah 8:14, 15 |
|
Ditulak orang mayuh |
Masmur 118:22, 23 |
|
Dipegedi taja pan nadai kebuah |
Masmur 69:4 |
|
Tama ngagai Jerusalem nepan seiku keledai |
Sekariah 9:9 |
|
Dipuji bala anak mit |
Masmur 8:2 |
|
Datai ngena nama Jehovah |
Masmur 118:26 |
|
Dijual pangan rapat |
Masmur 41:9 |
|
Dijual ketegal 30 singkap duit pirak e |
Sekariah 11:12, 13 |
|
Bala pangan ninggalka iya |
Sekariah 13:7 |
|
Bala saksi pelesu bejaku bula pasal iya |
Masmur 35:11 |
|
Enda nyaut lebuh orang bedawaka iya |
Isaiah 53:7 |
|
Diludah orang |
Isaiah 50:6 |
|
Pala iya dipalu |
Mikah 5:1 |
|
Disipat |
Isaiah 50:6 |
|
Enda nagang sida ke malu iya |
Isaiah 50:6 |
|
Bala pemerintah bepekat ngelaban iya |
Masmur 2:2 |
|
Jari enggau kaki iya dipantang ba tiang perinsa |
Masmur 22:16 |
|
Orang bechabut undi ke baju iya |
Masmur 22:18 |
|
Diperinsa sama enggau orang ke jai |
Isaiah 53:12 |
|
Dikelese, diketawa |
Masmur 22:7, 8 |
|
Bakal ketegal dosa orang bukai |
Isaiah 53:5, 6 |
|
Baka ka ditinggalka Petara |
Masmur 22:1 |
|
Diberi wain masam dichampur enggau empedu |
Masmur 69:21 |
|
Aus sebedau mati |
Masmur 22:15 |
|
Nyerahka nyawa iya ngagai Petara |
Masmur 31:5 |
|
Nyerahka nyawa iya |
Isaiah 53:12 |
|
Nyadika tebus kena muai dosa |
Isaiah 53:12 |
|
Nadai siti tulang iya patah |
Masmur 34:20 |
|
Diachuk |
Sekariah 12:10 |
|
Dikubur begulai enggau orang kaya |
Isaiah 53:9 |
|
Diangkat ari pemati |
Masmur 16:10 |
|
Tanggung pengawa orang ke nyual iya diganti |
Masmur 109:8 |
|
Duduk ba sepiak kanan Petara |
Masmur 110:1 |
a McClintock and Strong’s Cyclopedia madahka: “Rikud pasal raban bansa Judah enggau ruang bilik sida dirusak maya Jerusalem dialahka, ukai sebedau nya.”
b Nama Hebrew Imanuel, ti mai reti “Petara Enggau Kitai,” lalu nama tu ngambarka tanggung pengawa Jesus ke nyadi Messiah. Penatai iya ke dunya sereta pengawa ti dikereja iya nunjukka Petara endang bisi enggau nembiak Iya.—Luke 2:27-32; 7:12-16.
c Rambai jaku “orang Nasaret” datai ari leka jaku Hebrew neʹtser, ti mai reti “telesak.”
d Kena nemu penerang ti mayuh agi pasal penatai Messiah nya ba taun 29 M., peda meh artikel “Baka Ni Bup Daniel Madahka Penatai Messiah.”
e Utai tu ditulis ba bup Sekariah, tang Matthew, madahka iya “disebut beseruanka nabi Jeremiah.” (Matthew 27:9) Bup Jeremiah kekadang dikumbai bup ti keterubah ba begian Bup Kudus “Bala Nabi”. (Luke 24:44) Nya alai, Matthew ngena “Jeremiah” lebuh iya nyebut pasal begian Bup Kudus nya, ke nyengkaum bup Sekariah.
Nuan Engka Rindu Meda Tu
PERATIKA!
Seiku Indu Judah Madahka Kebuah Iya Mansik Baru Utai ti Dipechayaka Iya
Nama bukti ke ngasuh Racquel Hall andal Jesus nya Messiah ke digiga iya?
