STADI PROJEK
Stadi Namonamo Karana ese Oi Do Ia Durua Oi Gima Noho Totona
Stadi namonamo karana ena namo oi diba totona, Daniela 9:1-19 oi duahia.
Siri amo gau ma haida dibaia. Dahaka gaudia idia vara, bona Daniela ena hemami be edena bamona? (Dan. 5:29–6:5) Bema oi be Daniela, edena bamona do oi mamia?
Tahua gaukara karaia. Daniela be edena “buka helagadia” ia stadilaia? (Dan. 9:2, ftn.) Dahaka dainai Daniela be ia bona Israela besena edia kara dika ia gwauraia hedinarai? (Lev. 26:39-42; 1 Ki. 8:46-50; dp rau 182-184) Edena dala ai Daniela ena guriguri ese ia hahedinaraia, ia be Dirava ena Hereva ia stadilaia namonamo?—Dan. 9:11-13.
Oi dibaia gaudia oi laloa dobu. Sibona oi nanadaia:
-
‘Edena dala ai tanobada ai idia vara gaudia totona do lau laloa momo lasi?’ (Mika 7:7)
-
‘Daniela bamona, edena dala ai Dirava ena Hereva stadilaia namonamo karana ese lau do ia durua?’ (w04 8/1 rau 21 par. 17)
-
‘Sibona egu stadi ai edena topik ese lau do ia durua lau “gima noho” totona?’ (Mat. 24:42, 44; w12 8/15 rau 5 par. 7-8)