Aonega Herevadia 24:1-34
24 Kara dika taudia dekenai oi mama lasi,Bona edia hebamo karana oi ura henia lasi.+
2 Badina idia be edia kudouna ai kara dika idia lalohadailaia,Bona edia udu bibina amo kara dikadia idia herevalaia.
3 Ta be aonega amo ruma* ia haginia,+Bona ena laloa kehoa karana dainai unai ruma do ia gini goada.
4 Ruma ena daiutu ibounai be diba amo ia honu,Bona dava bada gaudia idauidau idia noho.+
5 Aonega tauna be tau goadana,+Bona ena diba dainai ena siahu ia habadaia.
6 Oi be emu hakaua dala namona amo emu tuari do oi karaia,+Bona sisiba taudia be momo neganai, ta ia kwalimu diba.+
7 Kavakava tauna be hegeregere lasi aonega korikori ia abia totona,+Bona siti ena geiti ai gau ta ia herevalaia diba lasi.
8 Ta be palani dikana ia karaia neganai,Ia do idia gwauraia, palani dikadia karaia tauna badana.+
9 Kavakava tauna ena palani be dika ia havaraia,Bona hekokoroku tauna be taunimanima ese idia inai henia.+
10 Bema hekwakwanai negadia ai oi lalomanoka,Emu goada do ia ore.
11 Mase totona idia abia lao taudiaBona alaia gabuna dekenai idia abia lao taudia oi hamauria.+
12 Bema oi gwau, “To unai ai diba lasi,”
Kudouna ia tahua Diravana ese emu lalohadai ia diba, ani?+
Oibe, oi ia itaia noho Diravana do ia dibaBona ta ta be ena kara hegeregerena davana do ia henia.+
13 Egu natuna e, hani oi ania, badina ia be namo,Bona ia aru diho hani ena mamina be namo herea.
14 Unai dainai, oi aonega be namo.+
Bema aonega oi davaria, vaira nega namona do oi abiaBona emu ura gaudia do oi abia momokani.+
15 Namo lasi kara dika karaia totona kara maoromaoro tauna ena ruma badinai oi hunia,Namo lasi iena noho gabuna oi hadikaia.
16 Badina kara maoromaoro tauna be nega 7 do ia moru, to do ia gini lou,+To kara dika tauna be idia vara dika ese do ia hahekwakwanaia.+
17 Emu inai tauna ia moru neganai, unai oi moalelaia lasi,Bona dika ia davaria neganai, emu kudouna ai oi moale lasi.+
18 Bema Iehova ia itaia unai oi moalelaia, oi do ia badu henia,Bona Dirava be emu inai tauna dekenai do ia badu noho lasi.+
19 Namo lasi kara dika taudia dainai oi badu,Namo lasi kara dika taudia dekenai oi mama.
20 Badina kara dika tauna be do ia noho daudau lasi,+Bona iena lamepa be do ia bodo.+
21 Egu natuna e, Iehova bona king oi gari henia.+Bona gwau-edeede taudia oi bamoa lasi.+
22 Badina idia dekenai dika do ia vara haraga.+Idia ruaosi* ese kara dika taudia dekenai do idia mailaia dika be daika ia diba?+
23 Inai be aonega taudia edia hereva:
Kota lalonai ta ena toana laloa karana be dika.+
24 Bema ta be kerere tauna dekenai ia gwau, “Oi be kerere lasi,”+
Unai tauna be taunimanima bona bese idauidau ese do idia gwauraia dika.
25 To kara dika tauna idia matahakani henia taudia be do idia namo,+Idia ese hahenamo bona gau namodia momo do idia abia.+
26 Mai momokani ida ia haere tauna be taunimanima ese do idia kisi henia.*+
27 Murimuri ai oi karaia gaukara oi palanilaia, bona tano oi hegaegaelaia,Bena ruma* oi haginia.
28 Namo lasi emu dekena tauna oi samania kava.+
Namo lasi emu uduna amo ma haida oi koia.+
29 Namo lasi oi gwau: “Lau ia kara henia hegeregerena ia do lau kara henia,Bona ia karaia karana dainai ena davana do lau haloua.”+
30 Lahedo tauna ena uma gabu amo lau raka hanaia,+Kavakava* tauna ena vain umana unai.
31 Bona lau itaia uma gabu be ava dikadia ese ia koua,Bona tano be ava ginigini ese ia hahonua,Bona edia nadi magu be idia makohi.+
32 Unai lau sekea namonamo bona lau lalohadailaia,Lau itaia bona lau dibaia gauna be inai:
33 Emu imana oi lokua, oi laga-ani sisina,Bona oi mahuta sisina,
34 Bona do oi ogogami haraga, henaohenao tauna be oi amo gau ta ia dadia haraga bamona,Bona tuari tauna ese oi amo gau ibounai ia abia bamona.+
Futnout
^ Eiava “ruma bese.”
^ Unai be, Iehova bona king.
^ Eiava reana, “Ia hereva maoromaoro tauna be ta ia kisi henia bamona.”
^ Eiava “ruma bese.”
^ Eiava “ia laloa namonamo lasi.”
