Thaum lub 5 Hlis tim 22, xyoo 2023, tus uas saib xyuas lub koom haum tshuaj xyuas kev noj qab haus huv (World Health Organization) hais tias, “Txawm tam sim no, tus kab mob khaus viv-19 (COVID-19) tsis yog ib tug kab mob aws loj thoob ntiaj teb lawm los, peb tsis txhob xav tias tus mob no yuav ua tsis tau teeb meem rau tib neeg. Peb yeej paub tias yav tom ntej yuav muaj lwm tus kab mob kis thoob ntiaj teb dua, yog li peb yuav tsum tau npaj.”

 Muaj coob leej ntau tus uas tau mob tus kab mob khaus viv-19 tseem niaj hnub ntoog lawv tus mob thiab nyuaj siab ntsuav. Yog li, tej nom tej tswv thiab tej koom haum uas saib xyuas txog kev kho mob puas yuav npaj txhij yog tias rov muaj kab mob thoob qhov txhia chaw, thiab lawv puas yuav pab tau tej tib neeg uas muaj kab mob kev nkeeg niaj hnub nim no?

 Phau Vajlugkub qhia txog ib lub tseem fwv uas yuav kho tau kom txhua leej txhua tus noj qab nyob zoo. Phau Vajlugkub hais li no tias, ‘Vajtswv tus uas nyob saum ntuj yuav tsa ib lub teb chaws,’ los sis ib lub tseem fwv. (Daniyees 2:44) Thaum Vajtswv lub tseem fwv kav ‘yuav tsis muaj leej twg nroo hais tias, “Kuv muaj mob.”’ (Yaxayas 33:24) Txhua tus yuav noj qab nyob zoo thiab muaj zog tuaj.—Yauj 33:25