HAʻAWINA 5
He Aha ke Kumu no ka Honua?
1. No ke aha i hana ai ke Akua i ka honua?
Ua hana ke Akua i nā ʻānela e noho i ka lani, akā ua hana ke Akua i ka honua no nā kāne a me nā wāhine. ʻO ka honua ko kākou home. (Ioba 38:4, 7) Ua hana ke Akua iā ʻAdamu a me ʻEva, a noho lāua i ka mahina ʻai ma ʻEdena. (Kinohi 2:15-17) Ua hiki iā ʻAdamu a me kāna mau keiki ke noho mau loa ma ka honua.—E heluhelu iā Halelū 37:29; 115:16.
Ma mua, he mahina ʻai ma ʻEdena wale nō ka paradaiso. Ua haʻi ke Akua iā ʻAdamu a me ʻEva e hoʻonui i ko lāua ʻohana ma ka honua a pau a e mālama a hana i ka honua i kekahi paradaiso. (Kinohi 1:28) ʻAʻole e luku ʻia ana ka honua. ʻO ka honua ka home mau no ka poʻe.—E heluhelu iā Halelū 104:5.
E nānā i ka wikiō No ke Aha i Hana ai ke Akua i ka Honua?
2. No ke aha ʻaʻole ka honua he paradaiso i kēia manawa?
ʻAʻole hoʻolohe ʻo ʻAdamu a me ʻEva, no laila ua kīpaku ʻo Iēhova iā lāua i waho o ka mahina ʻai ma ʻEdena. ʻAʻole ka honua he paradaiso, a ʻaʻole i hoʻihoʻi hou ka lāhui kanaka i ka paradaiso ma ka honua. Haʻi ka Paipala: “Ua hāʻawi ʻia aku ka honua i loko o ka lima o ka poʻe hewa.”—Ioba 9:24.—E heluhelu iā Kinohi 3:23, 24.
Ua pohō paha ʻo Iēhova e hoʻokō i kona kumu no kānaka? ʻAʻole! Mana loa ʻo ia, ʻaʻole hiki iā ia ke hoʻopohō. (ʻIsaia 45:18) Akā, e hoʻihoʻi hou ana ʻo Iēhova i ka poʻe i ke kūlana mua a me ka honua i ka paradaiso.—E heluhelu iā Halelū 37:11, 34.
3. Pehea e hoʻihoʻi hou ʻia ai ka Paradaiso?
E hoʻihoʻi hou ʻia ana ka Paradaiso i ka wā o ka noho aliʻi ʻana o Iesū, ke aliʻi no ke Akua. I ke kauā i kapa ʻia ʻo Hōʻike ʻana 20:1-3; 21:3, 4.
Aremagedona, e alakaʻi ana ʻo Iesū i nā ʻanela, a e luku ana ʻo ia i ka poʻe kūʻē i ke Akua. E hoʻopaʻahao ana ʻo Iesū iā Sātana no 1,000 mau makahiki. E hoʻopakele ʻia ana ka poʻe o ke Akua no ka mea e alakaʻi a hoʻomalu ana ʻo Iesū iā lākou. E ola mau loa ana lākou i ka Paradaiso ma ka honua.—E heluhelu iā4. Āhea e pau ana ka ʻehaʻeha?
Āhea e hoʻopau ana ke Akua i ka ʻino? Ua hāʻawi ʻo Iesū i ka “hōʻailona” e hōʻike i ke kokoke ʻana o ka hopena o ka ʻino. I kēia manawa, ʻike kākou i ka ʻino loa i kēia ao akā, hōʻoiaʻiʻo ia “noho kākou i ka hope o kēia ao.”—E heluhelu iā Mataio 24:3, 7-14, 21, 22.
Ma ka noho aliʻi ʻana o Iesū, e hoʻopau ana ʻo ia i ka ʻehaʻeha a pau. (ʻIsaia 9:6, 7; 11:9) E lilo ana ʻo ia i Aliʻi a me Kahuna Nui. E hoʻohemo ana ʻo ia i nā lawehala a ka poʻe aloha i ke Akua. Ma o Iesū, e hoʻopau ana ke Akua i ka maʻi, ke oʻo ʻana, a me ka make.—E heluhelu iā ʻIsaia 25:8; 33:24.
5. ʻO wai nā mea e noho ana i ka Paradaiso?
ʻO ka poʻe hoʻolohe i ke Akua, e noho ana lākou i ka Paradaiso. (1 Ioane 2:17) Ua hoʻouna ʻo Iesū i kāna haumāna e ʻimi i ka poʻe akahai a e aʻo aku iā lākou i ke ʻano e ʻāpono ʻia e ke Akua. I kēia wā, ke hoʻomākaukau nei ʻo Iēhova i ka poʻe he nui no ke ola i ka Paradaiso ma ka honua. (Zepania 2:3) Ma nā hālāwai a Nā Hōʻike a Iēhova, aʻo mai ka poʻe e lilo i mau paʻa male, a i mau mākua maikaʻi. Hoʻomana pū nā keiki a me nā mākua, a aʻo mai lākou e noho i ke ola maikaʻi ma muli o ka nū hou maikaʻi.—E heluhelu iā Mika 4:1-4.