HAʻAWINA 7
He Aha ke Aupuni o ke Akua?
1. He aha ke Aupuni o ke Akua?
No ke aha ʻo Iesū ke aliʻi ʻoi loa?—MAREKO 1:40-42.
He aupuni ma ka lani ke Aupuni o ke Akua. E hoʻohana ana ke Akua i kēia aupuni e hana i kona makemake ma ka lani a me ka honua. E kuapo ana ʻo ia i nā aupuni a pau. He nū hou maikaʻi kēia. E hoʻokō ke Aupuni o ke Akua i ka pono no ke aupuni maikaʻi. E lōkahi ana nā kānaka ma ka honua.—E heluhelu iā Daniela 2:44; Mataio 6:9, 10; 24:14.
Pono kekahi aupuni i kekahi aliʻi. Ua koho ʻo Iēhova i kāna keiki, ʻo Iesū Kristo, i lilo i aliʻi no kona Aupuni.—E heluhelu iā Hōʻike ʻana 11:15.
E nānā i ka wikiō He Aha ke Aupuni o ke Akua?
2. No ke aha ʻo Iesū ke aliʻi ʻoi loa?
ʻO Iesū ke aliʻi ʻoi loa no ka mea ʻoluʻolu ʻo ia a kūpaʻa ʻo ia no ke kaulike. (Mataio 11: 28-30) Nui kona mana e kōkua i ka poʻe no ka mea e noho aliʻi ana ʻo ia ma ka honua mai ka lani. Ma hope o ka hoʻāla hou ʻana, ua hele ʻo ia i ka lani a ua noho ihola ʻo ia e kali ma ka lima ʻākau o ke Akua. (Hebera 10:12, 13) Ma hope iho, ua hāʻawi ke Akua iā ia i ka mana e noho aliʻi.—E heluhelu iā Daniʻela 7:13, 14.
3. ʻO wai ka poʻe e noho aliʻi me Iesū?
Ke koho nei ke Akua i ka hui liʻiliʻi o ka poʻe e noho aliʻi me Iesū i ka lani. (Hōʻike ʻana 5:10) ʻO nā lunaʻōlelo a lesū nā kānaka hemolele mua i koho ʻia. Ke koho mau nei ʻo Iēhova i nā kāne a me nā wāhine e lilo i kānaka hemolele a hiki i kēia manawa. E like me Iesū, ua hoʻāla hou ʻia lākou me ke kino ʻuhane.—E heluhelu iā Ioane 14:1-3; 1 Korineto 15:42-44.
ʻEhia mau poʻe e hele ana i ka lani? Ua kapa ʻia lākou, he “ʻohana ʻuʻuku.” (Luka 12:32) He 144,000 ka poʻe. Noho aliʻi lākou me Iesū ma luna o ka honua.—E heluhelu iā Hōʻike ʻana 14:1.
4. Ke hoʻomaka ʻo Iesū e noho aliʻi, he aha ka mea i hana ʻia?
Ua hoʻomaka ke Aupuni o ke Akua ma ka makahiki 1914. * I kāna hana mua, ua kīpaku ʻo Iesū iā Sātana a me kona daimonio mai ka lani i ka honua. Ua huhū loa ʻo Sātana, a ua hoʻopilikia ʻo ia ma ka honua a pau. (Hōʻike ʻana 12:7-10, 12) Ma muli o kēlā hana, ʻoi aku ka nui o ka pilikia i kēia manawa. ʻO nā kaua, nā wī, nā maʻi, a me nā ōlaʻi ka mahele o kekahi “hōʻailona.” I ka manawa kokoke loa, e kāohi ana ke Aupuni o ke Akua i ka honua a pau.—E heluhelu iā Luka 21:7, 10, 11, 31.
5. He aha nā mea i hoʻokō ʻia ke Aupuni o ke Akua?
Ma muli o ka haʻi ʻeuanelio ʻana, ke hoʻolōkahi nei ke Aupuni o ke Akua i ka poʻe a pau. Nui ka poʻe akahai e lilo nei i makaʻāinana o Iesū. E mālama ke Aupuni o ke Akua iā lākou, ke luku ia i kēia ao ʻino. ʻO ka poʻe e makemake i nā pōmaikaʻi o ke Aupuni o ke Akua, pono lākou e hoʻolohe iā Iesū.—E heluhelu iā Hōʻike ʻana 7:9, 14, 16, 17.
I loko o nā makahiki he 1,000, e hoʻokō ana ke Aupuni o ke Akua i ke kumu mua o ke Akua no nā kānaka. E lilo ana ka honua i Paradaiso. Ma hope iho, e hoʻihoʻi ana ʻo Iesū i ke Aupuni i kona Makua. (1 Korineto 15: 24-26) Makemake ʻanei ʻoe e haʻi aku e pili ana i ke Aupuni o ke Akua?—E heluhelu iā Halelū 37:10, 11, 29.
^ paukū 6 No nā mea liʻiliʻi o ka wānana ʻia ʻana o ka makahiki 1914 e ka Paipala, e nānā i nā ʻaoʻao 217-220 o ka puke What Does the Bible Really Teach?
