Ti yii tin taagi naani mi Diemdieli. Laa yeli tiegi kelima ti baadi mi bangima U Tienu Diema po, li niini. Jesu laabaaliŋamo kpaanma mayuli moko den tie U Tienu Diema.​—⁠Luki 8:⁠1.

A Diemdiena tie i moamoani jaanma taanli kaanu. Bi gobidi u laabaaliŋamo kpaanma tuonli li niinni. (Matie 24:⁠14) Tin maa ti Diemdiena maanma naa ta-ta ba, ama ti maa li kuli ŋama. I kaani tiami a nitaana boncianla gaani bi yaba ki taagi Diemdieli yendo nni. Ti coada yaa tiegi, bi maa daali kuli Diemdiena a mu. Bi fidi ki tiendi laa tuonli lede?​—⁠Matie 19:⁠26.

A Diemdiena maa leni yaa ligi ke bi taagi laa tuonli po. Li Diemdieli kuli nni bu yanluadipaabu kpaku n ye ke bi tiendi i ligi ŋanduna kuli Diemdiena maam po. Diemdieli kuli tuuni laa ligi Beteli nni ke bi biti. Lani, nitaanli yaa ti bua ki maa bi ki ŋanbi li Diemdieli bi yen ñani laa ligi ki teni.

A Diemdiena maa leni yaaba n ki tuuni i ligi po yaa todima. I dogidi kuli pia a Diemdiena maaba cagili. Laa cagili taandi leni nitoaba ki maa a Diemdiena i kaani kuli leni li pamanli. Bi diidi li tuonli n cuoni maanma, ki go wangi laa dogu kpiiba n baa fidi tieni yaala li tuonli n jaligi. I dogi toaba nni bi Siedinba n ye ke bani n gobidi bi dogu Diemdiena maama leni li kubima. Baa ban pia bi banma bi tuonli nni, li tie ban maa a Diemdiena yaaba yaapo n tuuni cie. Laa tuonli caa liiga kelima yua kuli tuuni leni o pali kuli leni U Tienu fuoŋamu todima.​—⁠Pisomi 127:⁠1; Kolosi Yaaba 3:⁠23.

• Beepo ke bi yii tin taagi naani li Diemdieli?

• Ti tiendi lede ki maa a Diemdiena ŋanduna kuli nni?