CAGILI 15
Bi nikpeliba tuonli tie bee li nitaanli nni?
Bi nikpeliba naa tie liiga yaaba, yaaba n tuuni i ligi po. Nani lani den tie maanma cicili kilisiti niba yogunu yeni, dinli-dinla, bi nikpeliba tie gobidikaaba yaaba n pia mi banma. Bi gobidi U Tienu nitaanli. (Jesu Tondiba Tuona 20:28) Bi tie jaba yaaba n pia li dandanli banma. Bi gaandi liiga ki kubi li nitaanli. ‘Laa tie tiladi ka, ama li tie bi yama po, . . . ke laa tie i ligi po, ama ke li tie n buama po’. (Pieli Tikpiali 5:1-3) Bi nikpeliba tiendi bee tuonli ke li todi-ti?
Bi kubi-ti ki go gu-ti. Bi nikpeliba kubi, ki go gu li nitaanli dandanli. Ban bani ke li tie U Tienu wani oba n ñani-ba, ke bani yaa kubi o niba yeni, bi naa diedi-bi ba. Bi tuuni bi niba ŋamu leni bi pamanli po. (Korenti Yaaba Tilieli 1:24) Nani u yankpaalo n kubi o yankuli pe maanma, bi nikpeliba moko ŋanbi kubi yua kuli li nitaanli nni.—Mi Kpanjama 27:23.
Bi wangi-ti tin ba tieni U Tienu yanbuama maanma. Danalele kuli bi nikpeliba gaandi liiga ti taana nni ki puuni-ti li dandanli papaali. (Jesu Tondiba Tuona 15:32) Bi go gaandi liiga u laabaaliŋamo kpaanma yogunu, ki taagi kpaandi leni ti. Li pugini ti banma laa tuonli nni.
Bi puuni yua kuli li dandanli papaali. Ban bua todi yua kuli n ba li dandanli papaali yeni, bi boe leni-ti ti Diemdiena nni leni ti diedi nni. Yene ke bi todi-ti, ki go baagidi-ti leni biibili todima.—Jaki 5:14-15.
Bi nikpeliba tuonli yabi li nitaanli nni. Ama bi siiga tianba pia bi tuonli yaala n taandi bi lenli, tianba moko tie diedanba, ki kubi bi diegu niba. Laa kpiiba n tuuni maanma yeni, li ŋani tii fangi-ba.—Tesaloniki Yaaba Tikpiali 5:14, 15.
-
Bi nikpeliba tuonli tie bee li nitaanli nni?
-
Bi tiendi bee ke li wangi ke bi dugi yua kuli po?