Lẹdo aihọn pé, gbẹtọ lẹ nọ mọ yede to ṣokẹdẹ bọ e nọ taidi dọ yé ma gán jihọntọn hẹ mẹdevo lẹ. Weyọnẹntọ he nọ na ayinamẹ do agbasalilo ji delẹ dọ dọ alọgigọna mẹdevo lẹ yin aliho dopo nado duto ṣokẹdẹninọ ji.

•    “Alọgigọna mẹhe to nuhudo mẹ lẹ gán zọ́n bọ mí na do ayajẹ to gbẹzan mítọn mẹ podọ ehe gán sọ de numọtolanmẹ ṣokẹdẹninọ tọn pò.”—Sọgbe hẹ linlin he U.S. National Institutes of Health na.

 Biblu na ayinamẹ dagbe lẹ gando nuhe mí gán wà nado gọalọna mẹdevo lẹ go. Eyin mí yí ayinamẹ Biblu tọn lẹ do yizan mẹ, e na gọalọna mí nado duto numọtolanmẹ ṣokẹdẹninọ tọn lẹ ji.

 Nọ tlúalọ. Nọ dín dotẹnmẹ lẹ nado yí whenu zan dopọ hẹ mẹdevo lẹ, titengbe nukun sọ nukun. Nọ desọn ojlo mẹ nado má nuhe a tindo lẹ hẹ mẹdevo lẹ. Eyin a nọ wàmọ, e yọnbasi dọ yé na nọ do pinpẹn-nutọn-yinyọnẹn hia, podọ ehe gán zọ́n bọ mì na lẹzun họntọn.

•    Nunọwhinnusẹ́n Biblu tọn: “Mì nọ namẹ, gbẹtọ lẹ nasọ na mì.”—Luku 6:38.

 Nọ gọalọna mẹdevo lẹ. Nọ dín aliho lẹ nado gọalọna mẹhe to jujugbọn ninọmẹ sinsinyẹn mẹ lẹ. Ehe gán biọ dọ a ni nọ do awuvẹmẹ hia yé bo nọ dotoaina yé kavi dọ a ni gọalọna yé nado wà nudelẹ ehe na hẹn nulẹ bọawu na yé.

•    Nunọwhinnusẹ́n Biblu tọn: “Họntọn nugbo nọ yiwannamẹ to whelẹponu.”—Howhinwhẹn lẹ 17:17.

 Nado mọ nudọnamẹ dogọ gando lehe a sọgan hẹn haṣinṣan dagbe go hẹ mẹdevo lẹ do go, hia hosọ lọ “To Whẹndo mẹ Podọ to Họntọnjiji Mẹ.”