Enyí toɖiɖo tíin ɖɔ oyà ná gbɔ to gbèɖokpó, nukún ɖevo wɛ mǐ ná nɔ yí dó kpɔ́n ogbɛ̀ kpó Jixwéyɛxwe kpó.

Mɛsusu wɛ nɔ jlo ná ɖe oyà sɛ̀, amɔ́ yé ma nɔ kpé é go. Kpɔ́n nǔxe bɔdego lɛ:

Ðilě etlɛ nyíɖɔ amasin susu wɛ ko tíin . . .

• Ahunzɔ̀n wɛ nɔ hù gbɛtɔ́ lɛ húgǎn.

• Kansɛɛ nɔ hù gbɛtɔ́ livi susu lɛ to hwemɛhwemɛ.

• Doto ɖé xe nɔ nyí David Bloom ɖɔ to owě ɖé mɛ ɖɔ: “Awutu ylankan xe ɖóhuhlɔn tawun bo ma nɔ yawu gbɔ lɛ fɔ́n bo to tukladó gbɛtɔ́ lɛ to ayihɔ́n-gbɛ̀ lɔ mɛ.”—Frontiers in Immunology.

Ðilě etlɛ nyíɖɔ akwɛ́ sù tawun to otò ɖélɛ mɛ . . .

• Yɔkpɔ́vu livi susu wɛ nɔ kú to hwemɛhwemɛ kpóɖɔ awà xe jí wamɔnɔ lɛ te wɛ yé nɔ kú te húgǎn.

• Gbɛtɔ́ liva susu wɛ nɔ nɔ̀ lɛdó xe kuɖiho lɛ mɛ.

• Gbɛtɔ́ livi susu wɛ ma nɔ mɔ osin ɖagbe nù.

Ðilě etlɛ nyíɖɔ mɛsusu nywɛ ɖɔ osɛ́n to tòmɛ . . .

• Linlin Nations Unies tɔn ɖé dóxya ɖɔ to otò susu mɛ, yè gbɛ́ nɔ fìn gbɛtɔ́ bo nɔ wà okà dego, kpóɖɔ alɔ ma nɔ jɛ mɛxe nɔ wàmɔ lɛ go to fiɖélɛ, ná acɛkpatɔ lɛ “ma nywɛ ɖɔ onǔ mɔnkɔ to jijɔ kavǐ ma gán glɔnalina mɛxe nɔ wà onǔ mɔnkɔ lɛ.”

  DINDONÁ DOGƆ

  Kpɔ́n video lɔ Etɛ́wɛ Axɔluɖuta Jixwéyɛxwe Tɔn Nyí? xe tíin to jw.org jí.

Jixwéyɛxwe nɔ ɖɔ mǐtɔn.

Oyà xe ji mǐ te nɔ vɛna ɛn.

“[Jixwéyɛxwe] ma ko vlɛ kavǐ yí nukúnkpɛvi dó kpɔ́n yajiji mɛxe yè to kɔgbidina lɔ tɔn; é ma ko hwlá nukúnmɛ etɔn dó é. To hwenue ewɔ daxwá hlán ɛn ná alɔgɔ, é sè.”—SALMU LƐ 22:24.

“Mì to magbɔjɛ mìtɔn lɛkpó bɛ́ dlan ewɔ jí, ná é to mìtɔn xòkpɔ́n wutu.”—1 PITA 5:7.

Oyà ná gbɔ madɛnmɛ.

Biblu dókpà ɖɔ ojlǒ Jixwéyɛxwe tɔn ná nyí wiwà bɔ gbɛtɔ́ lɛ ná vò.

“Jixwéyɛxwe . . . nasɔ́ súnsún ɖasin lɛkpó sɛ̀ sɔ́n nukún yětɔn mɛ, okú ma nasɔ́ tíin ba, mɔ̌jánwɛ alùɛmɛninɔ kavǐ avǐ kavǐ awufiɛsa ma nasɔ́ tíin ba.”—OSƆ́XYA 21:3, 4.

Jixwéyɛxwe ná hɔ̀naɖɔna yajiji.

Biblu dóxya ɖɔ é ná yí Axɔluɖuta etɔn zán nadó ɖe oyà sɛ̀.

“Jixwéyɛxwe olɔn tɔn ná zé axɔluɖuta ɖé ɖayǐ xe ma ná nyí vivasudó gbeɖe. Axɔluɖuta exe ma nasɔ́ nyí jijodó ná akɔta ɖevo ɖékpókpé. . . . Ewɔ kɛ́ɖɛ́ wɛ ná nɔte kakadói.”—DANIƐLÌ 2:44.