4 Be Mǐ Togbɛ̀ Nadó Jiya Wɛ Ya?
Nuxewutu Mǐ Ðóná Nyɔ́ Gblɔndó Lɔ
Enyí mǐ nywɛ, mǐ gán ɖó ayǎjɛ to gbɛ̀mɛ.
Lɛnnukpɔ́ndó Exe Ji
Be Jixwéyɛxwe xe dá onǔ ɖagbeɖagbe lɛ dó ayihɔ́n-gbɛ̀ lɔ mɛ ná dá gbɛtɔvi lɛ nadó jiya wɛ ya?
Mɛxe ma nɔ jlo sinsɛ̀n-hó lɛ nɔ lɛnɖɔ mǐ to yaji, ná Jixwéyɛxwe ma to mǐtɔn ɖɔ wutu kavǐ ɖɔ mɛɖé ma tíin bo nɔ nyí Jixwéyɛxwe. Yé yise ɖɔ oyà xe jí mǐ te nɔ dóxya ɖɔ (1) Jixwéyɛxwe ma gán ɖoalɔtena yajiji, kavǐ ɖɔ (2) Jixwéyɛxwe ma to linlɛn nadó ɖé yajiji sɛ̀, kavǐ ɖɔ (3) Jixwéyɛxwe ɖé ma tíin.
Be nǔgbó lɔ ján ninyɛ ya?
DINDONÁ DOGƆ
Kpɔ́n video lɔ Náwɛ Mǐ Sɔgǎn Kudeji Gbɔn ɖɔ Biblu Nyí Nǔgbó? to jw.org jí.
Nuhe Biblu Ðɔ
Jixwéyɛxwe ma dá mǐ nadó jiya.
É jlo ɖɔ ogbɛ̀ mǐtɔn ni nyɔ́.
“Nuɖékpókpé ma nyɔ́ húgǎn ɖɔ yé ni jaya bosɔ nɔ wà ɖagbe to gbɛ́hwenu yětɔn, kpóɖɔ ɖɔ mɛɖokpóɖokpó ni nɔ ɖù bo nɔ nù bosɔ nɔ mɔ awuvivi sɔ́n azɔ̌n sínsínnyɛ etɔn lɛkpó mɛ. Nunina Jixwéyɛxwe tɔn wɛ é nyí.”—YƐHWEXOÐƆTƆ 3:12, 13.
Nulɛkpó wɛ Jixwéyɛxwe ná Adam kpó Evi kpó.
É ma dá yé, ná yewlɛ kavǐ kúnkan yětɔn nidó jiya.
“[Jixwéyɛxwe] ɖɔna yé ɖɔmɔ: ‘Mì nyí sinsɛ́nnɔ bo sudeji bosɔ gɔ́ ayigba jí bo ɖugán dó é jí.’”—JENƐSÍSÍ 1:28.
Adam kpó Evi kpó lɔsu wɛ jlo bo vɛtolina Jixwéyɛxwe.
Enɛ wɛ zɔ́n bɔ yé hɛn yajiji wá ná yeɖe kpó kúnkan yětɔn kpó.
“Ylandó gbɔn mɛɖokpó gblamɛ byɔ́ ayihɔ́n mɛ kpóɖɔ okú gbɔn ylandó gblamɛ wá, gbɔnmɔ dali okú dlɛnkan jɛ mɛlɛkpó dè, ná yemɛkpó wɛ ko waylandó wutu.”—LOMUNU LƐ 5:12. *
Jixwéyɛxwe ma dá mǐ kpó nugokpíkpé lɔ kpó nadó ɖeanana míɖe.
Ðilě mǐ ma nyí didá nadó nɔgbɛ̀ to osin mɛ ɖó, mɔɖokpólɔ mǐ ma gán ɖeanana míɖe.
“É ma tíin to xúhlɔn mɛxe to zɔnlinzin tɔn mɛ nadó ɖeanana afɔɖiɖe etɔn lɛ.”—JELEMIA 10:23.
Jixwéyɛxwe ma jlo ɖɔ mǐ ni jiya.
Ojlǒ etɔn wɛ nyiɖɔ mǐ ni nɔ dakpana nuxahun lɛ.
“Enyí hyɛ ná nyì gbeɖiɖe cie lɛ wɛ! To hwenɛnu, jijɔxo towe ná wá tayiɖi tɔ̀sisa ɖé.”—IZAYA 48:18.
^ xuk. 17 To Biblu mɛ, xogbe lɔ “ylandó” ma nɔ zɛɛmɛdó walɔ ylankan kɛ́ɖɛ́, amɔ́ é sɔ́ nɔ nyí yiyizan nadó dóxya ɖɔ oblɔ ɖé to mímɛkpó go.
