Oĩ porãva térã oĩ vaíva: Peteĩ mbaʼe ndete redesidi vaʼerã
Umi mbaʼe jadesidíva ningo ikatu ñanembovyʼa térã ñanembosufri. Ha Jehová oikuaa upéva, upéicha rupi oipota jajesegi umi konsého haʼe omeʼẽvare ñandéve.
Jehová oipota jaiko pyʼaguapýpe ha javyʼa.
“Che Jehová, haʼe hína nde Jára. Umi mbaʼe che romboʼéva ningo ideprovéchota ndéve, che rogia reho hag̃ua tape porãre. Aipotaite ningo rejapo umi mbaʼe amandáva ndéve. Upéicharõ, nde pyʼaguapy ojoguáta peteĩ rríope, ha nde hustísia ojoguáta umi oláda marpeguápe” (Isaías 48:17, 18).
Ñandejára ningo ñande Apohare, upévare haʼe añoitémante oikuaa mbaʼéichapa jaiko vaʼerã javyʼa hag̃ua. Haʼe ningo oipota jasegi igía, pórke oikuaa umíva ñanevienrãnteha. Jajapóramo umi mbaʼe Ñandejára omandáva ñandéve, ñaimekuaa segúro katuete ñasẽ porãtaha. Ha haʼe ñanepytyvõ rupi jadesidi porã hag̃ua, ñandepyʼaguapýta ha javyʼáta.
Jehová ndojeruréi ñandéve umi mbaʼe ndaikatumoʼãiva jajapo.
“Ko mandamiénto ameʼẽva peẽme koestedía ndahaʼéi hína ijetuʼuetereíva peẽme g̃uarã, ni hasyetereíva pekumpli hag̃ua” (Deuteronomio 30:11).
Jaiko hag̃ua Ñandejára oipotaháicha, ikatu oime tekotevẽ ñakambia ñapensa lája ha umi mbaʼe jajapóva. Péro Jehová ndahaʼéi ojopyetereíva ñanendive. Haʼe ningo ñande Apohare, upévare oikuaa porã mbaʼépa ikatu ha mbaʼépa ndaikatúi jajapo. Amáske jaikuaa Jehovápe, jaikuaa avei la ‘imandamientokuéra ndahaʼeiha la hasyetereíva la ñakumpli hag̃ua’ (1 Juan 5:3).
Jehová opromete oipytyvõtaha umi ojapóvape la haʼe heʼíva.
“Che ningo Jehová, nde Jára, ha añakarama hatãta nderehe, nde po deréchagui rojagarráta. Che ningo haʼe ndéve: ‘Ani rekyhyje, che roipytyvõta’” (Isaías 41:13).
Jaikuaa porã ñande ikatutaha ñakumpli umi mbaʼe Ñandejára ojeruréva ñandéve, pórke haʼe voi ñanepytyvõta. Upearã haʼe ojevale Iñeʼẽ la Bíbliare, ñanemokyreʼỹ hag̃ua ha omeʼẽ hag̃ua ñandéve esperánsa.
Hetaiterei hénte ko múndo tuichakuére ohechakuaa la Biblia tuichaiterei oipytyvõha chupekuéra ovyʼa hag̃ua. ¿Ndépa reaprendese avei la Biblia heʼíva? ¿Reikuaasépa umi konsého porã porã upépe oĩva? Oiméramo upéicha, ikatu eñepyrũ estudiávo pe folléto ¡Jaikóta vyʼápe pára siémpre! Ikatu remboguejy ko folléto gratiete jw.org-gui. Upépe retopáta koʼã leksión:
-
¿Mbaʼéichapa la Biblia ikatu nepytyvõ?
-
La Biblia omeʼẽ ñandéve esperánsa
-
¿Ikatúpa rejerovia la Bíbliare?
Amáske restudia Ñandejára Ñeʼẽ, rehechakuaáta umi ikonsého ikatuha nepytyvõ ha rejerovia hese “koʼág̃ama voi ha opa ára g̃uarã” (Salmo 111:8). Resegíramo umi konsého oĩva la Bíbliape, revyʼaitevéta. Péro Ñandejára ndoovligái avavépe osegi hag̃ua umíva (Deuteronomio 30:19, 20; Josué 24:15). Upéva káda únomante jadesidi vaʼerã.
