“Ko múndo kompletoite oĩ pe aña poguýpe” (1 Juan 5:19).

“Ñandejára Raʼy ou vaʼekue ohundi hag̃ua pe Diablo rembiapokue” (1 Juan 3:8, Ñandejára Ñeʼẽ La Biblia Traducción del Nuevo Mundo).

Rentendéta mbaʼérepa oĩ heta provléma ko múndope (Apocalipsis 12:12).

Reikuaáta mbaʼérepa ikatu rekonfia ko múndo okambiataha (1 Juan 2:17).

Si, jahechamína mbaʼérepa:

• Satanás goviérno naipohãvéima. Jehová ndohejamoʼãvéima Satanás odomina umi héntepe. Haʼe opromete ohunditaha pe Diáblope ha oipeʼataha opa mbaʼe vai Satanás ojapo vaʼekue (Hebreos 2:14).

• Ñandejára oiporavóma Jesucrístope ogoverna hag̃ua ko múndo. Satanás ningo ipyʼahatã ha ijehénte opensa, péro Jesús tuichaiterei idiferénte chugui. ¿Mbaʼeichagua governántepa Jesús? Ñandejára heʼi hese: ‘Haʼe oiporiahuverekóta umi hénte umíldepe ha umi imboriahúvape. Heta hénte osufri umi governánte iñañáva poguýpe, péro pe rréi osalváta chupekuéra’ (Salmo 72:13, 14).

• Ñandejára ndaikatúi ijapu. La Biblia heʼi porã: “Ñandejára ni mbaʼevéicharõ ndaikatúi ijapu” (Hebreos 6:18). Ñandejára oprometérõ ojapotaha peteĩ mbaʼe, upéva katuete oiko (Isaías 55:10, 11). Upéicharõ, “oñemosẽta ko múndo ruvichápe” (Juan 12:31).