TE MWAKURI AE OKORO IBUKIN TE KAURING
E Nang Kamaunai Mwakuri n Iowawa Iesu
E ota Iesu n namakinan te karawawataaki ae riki mani mwakuri n iowawa ao baika akea riaia i aan te tua. E aki eti i aan te tua bukinakina, batibooakina, kateakina n te boowi, kabureakina ao tiringakina n te aro ae kammaraki. E ngae ngke akea irekerekena ma bukibuki akanne, ma e tauraoi n anga boni ngaia ngke e “anga maiuna bwa te kaboomwi ibukia aomata aika bati.” (Mataio 20:28; Ioane 15:13) E a riki ngkai Iesu bwa te Uea n Ana Tautaeka n Uea te Atua, ai ngaia ae e nangi waekoa ni karaoa te kaetitaeka ae riai ni kabutaa te aonnaba, ni kamaunai mwakuri n iowawa n aekaia nako.—Itaia 42:3.
E kabwarabwaraaki n te Baibara tein te aroaro n te aonnaba imwin ana mwakuri Iesu:
“A nang akea aomata aika buakaka, ko na tarataraa aia tabo ao a na akea iai. Ma a na abana te aonnaba akana nimamannei, ao e na korakora kimwareireia n te rau ae bati.”—Taian Areru 37:10, 11.
Ti na kangaa ni kaota ara kakaitau ibukini bwaai ni kabane ake e a tia ni karaoi Iesu n ikotaki ma baika e nang karaoi ibukira? E tuangia taan rimwina Iesu n taeka ake a koreaki n Ruka 22:19 bwa a na kauringa matena. Anne bukina ae ni katoa ririki, a bane n ikotaki Ana Tia Kakoaua Iehova ni bukamarua kauringaani matena. Ti kaoko bwa ko na raonira ni karaoa Kauringaani maten Iesu n te Taabati, Maati 24, 2024.