KAIMƆ LƐ HE TAFÃA
Yesu Baafo Ohia Sɛɛ
Be ni Yesu yɔɔ shikpɔŋ lɛ nɔ lɛ, ejie suɔmɔ kpele kpo etsɔɔ mɛi, titri lɛ ohiafoi kɛ mɛi ni ehao. (Mateo 9:36) Ekɛ ewala po shã afɔle yɛ mɛi krokomɛi ahilɛkɛhamɔ hewɔ. (Mateo 20:28; Yohane 15:13) Etsɛŋ, ekɛ hegbɛ ni Nyɔŋmɔ kɛhã lɛ akɛ Nyɔŋmɔ Maŋtsɛyeli lɛ nɔ Maŋtsɛ lɛ baatsu nii ekoŋŋ kɛjie suɔmɔ kpele kpo etsɔɔ adesai, no ji ebaafo ohia sɛɛ yɛ shikpɔŋ lɛ nɔ fɛɛ.
Biblia lɛ kɛ lalawiemɔ tsu nii kɛtsɔɔ nɔ ni Yesu baafee lɛ mli, ewie akɛ:
“Efã mɛi ni bɛ yelikɛbualɔ yɛ omaŋbii lɛ ateŋ lɛ ahe.”—Lala 72:4.
Mɛni wɔbaanyɛ wɔfee kɛtsɔɔ bɔ ni wɔhiɛ sɔɔ nibii fɛɛ ni Yesu efee kɛ nɔ ni etsɛŋ ebaafee ehã wɔ lɛ? Yɛ Luka 22:19 lɛ, Yesu kɛɛ esɛɛnyiɛlɔi lɛ akɛ amɛkai egbele lɛ. No hewɔ ni daa afi lɛ, kɛ́ eshɛ gbi nɔ ni Yesu gbo lɛ, Yehowa Odasefoi buaa amɛhe naa kɛkaiɔ lɛ lɛ. Wɔmiifɔ̃ bo nine koni obafata wɔhe kɛye Yesu Gbele lɛ Kaimɔ gbi jurɔ lɛ yɛ Hɔgbaa, March 24, 2024.