Sanebimɔi ni Biblia lɛ Ehã Hetoo
Ani jeŋ ko baaba ni ohia bɛ mli?
Te Nyɔŋmɔ aaafee tɛŋŋ ekɛ jeŋ ni ohia bɛ mli aba lɛ?
Daa afi lɛ, ohia futaa gbeɔ mɛi akpekpei abɔ akɛni amɛnáaa niyenii ni hela hu mɔmɔɔ amɛ lɛ hewɔ. Eyɛ mli akɛ mɛi komɛi eshwere yɛ je lɛŋ hei komɛi moŋ, shi mɛi babaoo yɛ ohia futaa mli lolo. Biblia lɛ tsɔɔ akɛ ohia yɛ kɛjɛ blema tɔ̃ɔ.
Ja aná nɔyeli kome ni baaye jeŋ muu lɛ fɛɛ nɔ dani abaanyɛ ajie ohia kɛya. Esa akɛ nɔyeli ni tamɔ nɛkɛ lɛ anyɛ aja nibii ni yɔɔ je lɛ mli lɛ pɛpɛɛpɛ ehã mɔ fɛɛ mɔ, ni enyɛ efo tai asɛɛ hu, ejaakɛ enɛɛmɛi ji nibii titri ni kɛ ohia baa. Nyɔŋmɔ ewo jeŋ fɛɛ nɔyeli ni tamɔ nakai shi.
Namɔ baanyɛ ejie ohia kɛya?
Nyɔŋmɔ ehala e-Bi, Yesu, ni eye adesai fɛɛ nɔ. (Lala 2:4-8) Yesu baakpɔ ohiafoi lɛ, ni ekɛ nɔnaa kɛ awuiyeli baaba naagbee.
Agba yɛ Yesu he akɛ ebaafee “Hejɔlɛ [loo Toiŋjɔlɛ, NW] lumɔ,” ni ekɛ toiŋjɔlɛ kɛ shweshweeshwe shihilɛ baaba jeŋ fɛɛ. Kɛkɛ lɛ mɔ fɛɛ mɔ ni yɔɔ shikpɔŋ lɛ nɔ lɛ baahi lɛ diɛŋtsɛ etsu ni ema lɛ mli, ni ebaatsu nitsumɔ ni baahã etsui anyɔ emli, ni ebaaná niyenii babaoo eye.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Mɛni Nyɔŋmɔ Maŋtsɛyeli Lɛ Baatsu?
Kanemɔ koni ole nibii ni baaba be ni Nyɔŋmɔ nɔyeli lɛ yeɔ shikpɔŋ lɛ nɔ lɛ.
