Følir tú teg avbyrgdan og einsamallan? Um so er, kennir tú teg kanska aftur í orðunum hjá sálmaskaldinum, sum skrivaði: „Eg ... eri vorðin sum einsligur fuglur á takinum.“ (Sálmur 102:8) Góðu ráðini í Bíbliuni kunnu hjálpa tær at klára avbjóðingar í sambandi við avbyrging.

•  Hugsa meira um tað andaliga

•  Les nøkur uggandi bíbliuørindi

•  Finn út av, hví heimurin sær út, sum hann ger

•  Ansa eftir ikki at stúra for nógv

•  Hav samband við vinirnar

•  Minst til at røra teg

 Viss tú gert nakað fyri at nøkta tín andaliga tørv, kanst tú hava tað gott, hóast tú ert avbyrgdur. (Lukas 11:28) Tilfarið niðanfyri kann hjálpa tær at gera tað.

•   Ein bíblia á netinum, sum er nágreinilig og løtt at lesa

•   Stutt video um nakrar týðandi sannleikar í Bíbliuni

•   „Svar upp á bíbilskar spurningar,“ sum nógv hugsa um

•   „Tak eftir trúgv teirra“ er ein greinarøð, sum kann hjálpa tær at ímynda tær lívið hjá trúføstum monnum og kvinnum í Bíbliuni

•   „Tilvild ella tilevning?“ er ein greinarøð, sum vísir á vakurleikan og margfeldið í náttúruni

 Hesi ørindini hava uggað nógv fólk. Heldur enn at lesa øll ørindini í senn kanst tú kanska brúka nakað av tíðini í avbyrging til at hugsa gjølla um hvørt brot og til at biðja. – Markus 1:35.

•   Sálmur 23:1-6

•   Sálmur 34:2-23

•   Sálmur 46:2-12

•   Sálmur 63:7-9

•   Sálmur 91:1-6

•   Matteus 6:25-34

•   2. Korintbræv 1:3, 4

•   Filippibrævið 4:6, 7

•   1. Pætursbræv 5:6, 7

 Tað er lættari at klára eina ringa støðu, viss tú veitst, hví so nógv ræðuligt hendir, og hvat Gud fer at gera við tað. – Esaias 65:17.

•   Hví loyvir Gud líðingum?

•   Hvat sigur Bíblian um farsóttir?

•   Hvat skuldi eyðkenna teir ’síðstu dagarnar’, ella ’endans tíð’?

•   Hvat fer Guds ríki at gera?

 Greinarnar niðanfyri kunnu hjálpa tær at lata vera við at stúra og at klára avbjóðingar í sambandi við avbyrging. – Matteus 6:25.

•   Hvat kann eg gera fyri ikki at blíva útbrendur?

•   Hvussu kann eg lata vera við at hugsa negativt?

•   Fíggjarligir trupulleikar og skuld – kann Bíblian hjálpa?

•   Hvussu kann eg læra at stýra mínum kenslum?

 Vinaløg hava nógv at siga fyri okkara sálarligu heilsu, og tey hava enn størri týdning, tá ið tað ikki ber til at vera saman fysiskt. Viss tú noyðist at vera heima, kanst tú kanska ringja til onkran ella hava eitt videoprát við onkran fyri at halda sambandið við tínar vinir við líka ella fyri at fáa nýggjar vinir. Tær næstu tvær greinarnar snúgva seg um vinaløg. – Orðtøkini 17:17.

•   Skal eg víðka mín vinaskara?

•   Hvat um eg føli meg einsamallan?

 Bíblian sigur, at ’likamlig venjing er nyttulig’. (1. Timoteusarbræv 4:8) Tú kanst fáa tað betri sálarliga við at røra teg, serliga um tú ert avbyrgdur. Sjálvt um tú noyðist at halda teg heima, ber tað helst til hjá tær at røra teg eitt sindur.

•   Hvussu fái eg betri hug at røra meg?

•   At liva sunt