Vosa Vakaibalebale 21:1-31
21 Na lomana na tui e vaka na waidrodro e liga i Jiova.+
E vagolea o koya ena vanua ga e vinakata.+
2 Na nona ivalavala kece na tamata e donu beka vua,+Ia o Jiova e dikeva na loma* ni tamata.+
3 Na cakadodonu kei na lewadodonuE taleitaka vakalevu o Jiova mai na vakacaboisoro.+
4 Na mata qaciqacia kei na yalodokadoka,Na cina e tubera na tamata ca na ivalavala ca.+
5 Na lalawa ni tamata gumatua ena tini vinaka* ga,+Ia o ira kece era vakusakusa era na dravudravua.+
6 Na rawa iyau ena yame lasulasuE vaka na seavu ni kabu, e icori rerevaki.*+
7 Na nodra vakacaca na tamata ca ena taviraki ira tani,+Nira bese ni cakava na ka dodonu.
8 Na sala ni tamata cala e veve,Ia na nona cakacaka o koya e yalosavasava e dodonu.+
9 E vinaka na tiko ena tutu ni dokanivaleE ca na tiko kei na yalewa vakawati dauveiba* ena dua ga na vale.+
10 Na tamata ca ena garova ga na ka ca,+E sega ni taleitaka na wekana.+
11 Ni totogitaki na dauveivakalialiai, e yalomatua kina na yalowai,Ni vakavulici na tamata vuku e kilaka kina.*+
12 O koya na Yalododonu e vakaraica na vuvale ni tamata ca,E vukici ira na tamata ca mera rusa.+
13 O koya e sogota na daligana ni tagi na tamata dravudravua,Ena tagi tale ga, ena sega ni rogoci.+
14 Na iloloma e soli lo e vakaruruya na cudru,+Kei na veivaqumi* e caka vuni, e vakamalumutaka na cudru katakata.
15 E marautaka na yalododonu me cakadodonu,+Ia e vakarerevaki na ka ena yacovi ira na daucaka ca.
16 Na tamata e biuta na sala ni yalomatuaEna vakacegu kei ira na mate.+
17 O koya e taleitaka na lasa* ena dravudravua;+O koya e vinakata na waini kei na waiwai ena sega ni vutuniyau.
18 Na ivoli ni tamata yalododonu na tamata ca,Kei na dau lawaki ena kau me isosomi ni yalododonu.+
19 E vinaka na tiko ena vanua talasigaE ca na tiko kei na yalewa vakawati dauveiba,* e veivakacudrui.+
20 Na iyau talei kei na waiwai e tiko ena vale ni tamata vuku,+Ia na tamata lialia ena vakasabusabutaka* na ka e tu vua.+
21 O koya e saga me cakadodonu qai dei na nona lolomaEna raica na bula, na ivalavala dodonu, kei na lagilagi.+
22 Na tamata vuku e rawa ni kabata* na nodra koro na qaqaMe basuka na bai kaukaua era nuitaka.+
23 O koya e qarauna na gusuna kei na yamenaE taqomaki koya mai na leqa.+
24 O na vakatoka me tamata viavialevu, e tukutukuni koyaO koya e yalototolo ni viavialevu.+
25 Na ka e garova na tamata vucesa ena mate kina,Ni sega ni via cakacaka na ligana.+
26 Ena siga taucoko e yalokocokoco,Ia na yalododonu e dau solisoli, e sega ni buroburogo.+
27 Na isoro ni tamata ca e vakasevaki.+
Sa qai ca sara ni cabora ena inaki ca!*
28 Na ivakadinadina lasulasu ena mate,+Ia o koya e dau vakarorogo ena yaga na nona itukutuku.*
29 Na tamata ca e doudou na matana,+Ia na yalododonu ena vakataudeitaki na nona sala.+
30 E sega na vuku, se yalomatua, se inakinaki me saqati Jiova.+
31 Na ose e vakarautaki me baleta na siga ni ivalu,+Ia na veivakabulai e nei Jiova.+
iVakamacala e ra
^ Se “inaki.”
^ Se “yaga vua.”
^ Se rawa ni, “o ira na qara na mate.”
^ Se “daucike.”
^ Se “kila na ka me cakava.”
^ Ipe., “na veivaqumi ena lomaserena.”
^ Se “taleitaka na marau.”
^ Se “daucike.”
^ Ipe., “tiloma.”
^ Se “vakadruka.”
^ Se “kei na ivalavala vakamadua.”
^ Ipe., “sega ni mudu na nona vosa.”
