Vosa Vakaibalebale 20:1-30
20 E dau veivakalialiai na waini,+ e sega ni lewai rawa na gunu e veivakamatenitaki,+O ira kece na vakacalai kina era sega ni vuku.+
2 Na veivakarerei ni tui e vaka na tagi ni laione,*+O koya e vakacudrui koya e vakaleqa na nona bula.+
3 E ka dokai vua na tamata me kua ni veileti,+Ia o ira na lialia era vakaitavi kina.+
4 Na vucesa ena sega ni siviyara ena vulaililiwa,Ia ena kerekere ena gauna ni tatamusuki ni sega vua na ka.*+
5 Na nanuma* ni loma ni tamata e vaka na wai titobu,Ia o koya e yalomatua ena takiva mai.
6 Levu na tamata era tukuna na dei ni nodra loloma,Ia o cei e kunea rawa na tamata yalodina?
7 Na yalododonu e muria na nona yalodina.+
Era marau na luvena* era taravi koya.+
8 Ni dabe na tui ena idabedabe ni veilewai,+E ceburaka tani kece na ka ca e matana.+
9 O cei e rawa ni kaya: “Au sa vakasavasavataka na lomaqu,+Au sa savasava mai na noqu ivalavala ca”?+
10 Na ivakarau bibi e veidabui kei na ivakarau lasulasu*E sevaka ruarua o Jiova.+
11 E kilai na gone ena ka e cakava,E savasava se dodonu na nona ivalavala.+
12 Na daliga rogo kei na mata raiE bulia ruarua o Jiova.+
13 Mo kua ni taleitaka na moce de o na dravudravua kina.+
Mo dolava na matamu, o na qai mamau ena madrai.+
14 “E sega ni vinaka, e sega ni vinaka!” e kaya na dauvolivoli,Mani lako yani me sakitaki koya.+
15 E tu na koula, e levu tale ga na lase,*Ia e talei na tebenigusuna na kilaka.+
16 Mo kauta na isulu ni tagane e vakadonuya me sauma na dinau ni vulagi,+Mo kauta mai vua na ivakadei ke cakava qori ena vukuna na yalewa tani.+
17 E kana vinaka vua na tamata na madrai e rawati ena veidabui,Ia ni oti oya ena sinai na gusuna ena qereqere.+
18 Ena rawa* na sasaga ni veivosakitaki,+Kei na veidusimaki vinaka* mo ia kina nomu vala.+
19 Na dauvakaucaca e veilakoyaki me vakacila na ka vuni,+Mo kua ni veitokani kei na dua e taleitaka na kakase.*
20 O koya e vosavakacacataka na tamana kei na tinana,Ena boko nona cina ni sa buto.+
21 Na ivotavota e rawati e liu ena kocokocoEna sega ni vakalougatataki e muri.+
22 Mo kua ni kaya: “Au na sauma na ca!”+
Mo nuitaki Jiova+ ni na vakabulai iko.+
23 Na ivakarau bibi* e veidabui e sevaka o Jiova,Kei na ivakarau lasulasu e sega ni vinaka.
24 E vu mai vei Jiova na ilakolako ni tamata,+Ena qai kila vakacava na tamata na nona sala?*
25 E coriti na tamata ni tukuna vakariri, “E tabu!”+
E muri e qai vakasamataka na ka e bubuluitaka.+
26 Na tui vuku e vakasavi ira na tamata ca+E butuki ira ena ruku ni yavaniqiqi.+
27 Na icegu ni tamata na cina i Jiova,E cinava na tikina kece e lomana.
28 Na dei ni loloma kei na yalodina e taqomaka na tui,+Na dei ni loloma e vakadeitaka na nona itikotiko vakaturaga.+
29 Na kedra idivi na cauravou na nodra kaukaua,+Kei na nodra iukuuku na qase na uludra sikoa.+
30 Na drakusi kei na mavoa e kauta tani na ka ca,+Na kuita e vakasavasavataka na loma ni tamata.
iVakamacala e ra
^ Se “luvenilaione kaukaua.”
^ Se rawa ni, “ena vaqaqara ena gauna ni tatamusuki era sega ni kunea e dua na ka.”
^ Se “inaki.” Ipe., “lewa.”
^ Ipe., “luvena tagane.”
^ Se “Rua na mataqali ivakarau vatu kei na rua na mataqali itawatawa.”
^ Raica na iVakamacala ni Vosa.
^ Se “vakataudeitaki.”
^ Se “ivakasala yaga.”
^ Se “bacani ena tebenigusuna.”
^ Se “Rua na mataqali ivakarau vatu.”
^ Se “sala me muria?”
