Same 72:1-20
Me baleti Solomoni.
72 Kemuni na Kalou, ni solia na nomuni lewa vua na tui,Qai vakarautaka na nomuni yalododonu vua na luvena tagane na tui.+
2 Me valataka ena yalododonu na nodra dodonu na nomuni tamata,Kei na nomuni lewadodonu vei ira na vakaloloma tu.+
3 Me kauta mai na veiulunivanua na sautu vei ira na tamata,Me kauta tale ga mai na veidelana na yalododonu.
4 Me taqomaki* ira na vakaloloma ena kedra maliwa na tamata,Me vakabulai ira na luvedra tagane na dravudravua,Me vurumemeataka tale ga na daulawaki.+
5 Era na rerevaki kemuni tiko ga me vaka na dede ni matanisigaMe vaka tale ga na dede ni vula,Mai na dua na itabatamata ina dua tale na itabatamata.+
6 Ena vaka na tau ni uca ena veico sa koti,Vaka na uca mirimiri e vakasuasuataki vuravura.+
7 Ena nona siga era na buroro* na yalododonu,+Ena qai vakilai na sautu+ me yacova ni oti na vula.
8 Ena lewai ira o koya mai na dua na wasawasa ina dua tale na wasawasaMai na Uciwai* tale ga ina iyalayala kei vuravura.+
9 Era na cuva e matana o ira na tiko ena vanua dravuisiga,Na kena meca tale ga era na dramica na kuvuniqele.+
10 O ira na tui kei Tasisi kei na veiyanuyanu era na sauma na ka e lavaki.+
O ira na tui Sipa kei Sepa era na cabora na iloloma.+
11 Era na cuva e matana na tui kece,Era na qaravi koya tale ga na veimatanitu kece.
12 Ni na vakabula o koya na dravudravua e tagi ni kere veivuke,O koya tale ga na vakaloloma kei koya e sega ni vukei.
13 Ena lomani ira na vakaloloma kei na dravudravua,Ena vakabula tale ga na dravudravua.
14 Ena vakabulai ira mai na veivakasaurarataki kei na ivalavala kaukaua,Ena ka talei tale ga e matana na nodra dra.
15 Me bula qai soli vua na koula mai Sipa.+
Me masulaki mada ga,Me qai vakalougatataki ena siga taucoko.
16 Ena levu na covuata e vuravura,+Ena vuabale ena dela ni veiulunivanua.
Ena bulabula na nona vuata me vaka mai Lepanoni,+Era na seraka tale ga ena koro na tamata me vaka na kau kei vuravura.+
17 Me tu na yacana me tawamudu,+Me qai rawaka me vaka na dede ni matanisiga.
Mera rawata na veivakalougatataki ena vukuna,+Mera kaya na veimatanitu ni marau o koya.
18 Me vakacaucautaki na Kalou o Jiova, na Kalou ni Isireli,+O koya duadua ga e cakava na veika veivakurabuitaki.+
19 Me vakacaucautaki na yacana lagilagi me tawamudu,+Me qai vakasinaiti vuravura taucoko na kena lagilagi.+
Emeni, Emeni.
20 Sa cava eke na masu i Tevita, na luvei Jese.+
