Same 104:1-35
104 Me vakacaucautaki Jiova na yagoqu taucoko.+
I Jiova na noqu Kalou, oni sa rui cecere.+
Oni vakaisulu ena lagilagi* kei na veika totoka.+
2 Oni sa ologi ena rarama+ me vaka na isulu,Oni birika na lomalagi vaka na isulu ni valelaca.+
3 E vakadavora na icoka ni nona rumu e cake ena wai e macawa,*+E cakava na o me nona qiqi,+E veitosoyaki ena taba ni cagi.+
4 E cakava o koya mera kabula kaukaua* na nona agilosi,Mera bukawaqa dau veivakarusai na nona dauveiqaravi.+
5 Sa vakataudeitaka na yavu ni vuravura o koya,+Ena sega ni yavalati mai na kena vanua* me tawamudu, io me tawamudu.+
6 Oni ubia ena wai titobu me vaka e ubi ena isulu.+
Sa sivita sara na dela ni veiulunivanua na wai.
7 Ni oni veivunauci e dro na wai,+Ni voqa mai na nomuni kurukuru, e gutuwa sara ena taqaya
8 —E lako cake na veiulunivanua+ qai lako sobu na veibuca—Ina vanua oni vakataudeitaka me nodra.
9 Oni biuta e dua na iyalayala mera kua ni sivita,+Mera kua tale vakadua ni ubia na vuravura.
10 E tala o koya na vure ina veibuca,*Era drodro ena maliwa ni veiulunivanua.
11 Era vakarautaka na wai vei ira na manumanu kila kece ni vanua,Era vakaceguya kina na asa kila na nodra karamaca.
12 Era ro e deladra na manumanuvuka ni lomalagi,Era lagasere ena maliwa ni draunikau vavaku.
13 E vakasuasuataka o koya na veiulunivanua mai na nona rumu e cake.+
Ena vua ni nomuni cakacaka e vakamamautaki kina o vuravura.+
14 E vakatubura tiko na co o koya me kedra na bulumakauKei na kau mera vakayagataka na kawatamata,+Me tubu mai na vanua na kakana
15 Kei na waini me marau vakalevu kina na loma ni tamata,+Na waiwai me lumisa kina na mata,Kei na madrai me vakabulabulataka na loma ni tamata.+
16 Era sa mamau na veivunikau i Jiova,Na veisitari kei Lepanoni a tea o koya,
17 Na vanua era vakasova kina na manumanuvuka.
Na itikotiko ni belo+ ena veivunijunipa.
18 Na veiulunivanua cecere e nodra na me ni ulunivanua,+Na vatu e nodra ivakaruru na koni.+
19 E cakava o koya na vula me ivakatakilakila ni veigauna sa loku,E kila vinaka na matanisiga na gauna me dromu kina.+
20 Oni kauta mai na butobuto, sa qai bogi,+Nira wavoki voli na manumanu kila kece ni veikau.
21 Era tagica na kedra na laione gone*+Qai vakasaqara mai vua na Kalou na kedra.+
22 Ni cabe na matanisiga,Era suka qai davo ena nodra qara.
23 E lako na tamata ina nona cakacaka,Qai cakacaka tiko me yacova na yakavi.
24 Sa levu sara ga na nomuni cakacaka i Jiova!+
Oni sa cakava kece vakavuku.+
Sa sinai na vuravura ena ka oni cakava.
25 E tiko na wasawasa, e levu qai raba,E sinai kina na veika bula e sega ni wiliki rawa, na ka lalai kei na ka lelevu.+
26 Era soko e kea na waqa,Na Livaiacani*+ tale ga oni bulia me qito kina.
27 O ira kece era waraki kemuniMoni solia na kedra kakana ena kena gauna.+
28 Na ka oni solia vei ira, era kumuna.+
Ni oni dolava na ligamuni, era vakamamautaki ena veika vinaka.+
29 Ni oni vunitaka na matamuni, era lomaleqa.
Ke oni kauta laivi na nodra icegu,* era mate qai suka ina kuvuniqele.+
30 Era buli ke oni tala yani na yalomuni,+Oni qai vakavoutaka na dela ni qele.
31 Na lagilagi i Jiova ena tu ga me tawamudu.
Ena marautaka vakalevu o Jiova na nona cakacaka.+
32 E yavavala na vuravura ni rai yani o koya,E kubou na veiulunivanua ni tara yani.+
33 Au na sere vei Jiova+ ena noqu bula taucoko,Au na sere ena vakacaucau* vua na noqu Kalou ena gauna kece ni noqu bula.+
34 Me vakamarautaki koya* na noqu vakanananu.
Au na marautaki Jiova vakalevu.
35 Era na yali mai vuravura na tamata ivalavala ca,Era na sega ni tiko tale na daucaka ca.+
Meu vakacaucautaki Jiova. Vakacaucautaki Ja!*
iVakamacala e ra
^ Se “vakarokoroko.”
^ Ipe., “enawai.”
^ Se “mera vaka na cagi,” Ipe. ru·chohthʹ.
^ Se“Ena sega ni taceba.”
^ Se “waimaca.”
^ Se “na luvenilaione kaukaua.”
^ Raica na iVakamacala ni Vosa.
^ Se “igu ni bula.”
^ Se “Au na vakatagi.”
^ Se rawa ni,“Me marautaki na noqu vakasamataki koya vakatitobu.”
^ Se“Aleluya!” Na “Ja” na ivakaleka ni yaca Jiova.
