Same 145:1-21
Na veivakacaucautaki, na same i Tevita.
א [Alefa]
145 Au na vakacerecerei kemuni, noqu Kalou na Tui,+Au na vakacaucautaka na yacamuni me tawamudu, io me tawamudu.+
ב [Peca]
2 Au na vakacaucautaki kemuni ena siga taucoko,+Au na vakacaucautaka na yacamuni me tawamudu, io me tawamudu.+
ג [Kimela]
3 E cecere o Jiova qai ganiti koya duadua na veivakacaucautaki,+Na nona cecere e sega ni tukuni rawa.*+
ד [Teleca]
4 Ena vakacaucautaka na nomuni cakacaka e dua na itabatamata ina dua tale na itabatamata,Era na tukuna yani na nomuni cakacaka kaukaua.+
ה [Ai]
5 Era na tukuna na totoka ni kemuni lagilagi+Era na vakasamataka vakatitobu na nomuni cakacaka veivakurabuitaki kece.
ו [Wau]
6 Era na tukuna na nomuni cakacaka* vakatubuqoroqoro,Au na kacivaka tale ga na nomuni cecere.
ז [Sayini]
7 Era na vuki tukuna nira nanuma na levu ni nomuni yalovinaka,+Era na qai kaila ena marau ena vuku ni nomuni yalododonu.+
ח [Eca]
8 O Jiova e dauveinanumi* qai yalololoma,+E berabera ni cudru, e levu qai dei na nona loloma.+
ט [Teca]
9 Sa vinaka o Jiova vei ira kece ga,+Qai laurai na nona yalololoma ena nona cakacaka kece.
י [Yota]
10 Na nomuni cakacaka kece ena vakalagilagi kemuni, i Jiova,+Era na qai vakacaucautaki kemuni na nomuni yalodina.+
כ [Kafa]
11 Era na kacivaka na lagilagi ni nomuni itutu vakatui+Era na tukuna tale ga na nomuni qaqa,+
ל [Lameta]
12 Me vakatakilai vei ira na tamata na veika lelevu oni cakava+Kei na totoka ni nomuni itutu vakatui lagilagi.+
מ [Memi]
13 Na nomuni itutu vakatui e tawamudu,Kei na nomuni lewa ena tu ga ena itabatamata kece.+
נ [Sameki]
14 O Jiova e tokoni ira kece era bale+Qai vakaduri ira kece era lolou tu.+
ע [Ayini]
15 Na mata kece e rai tu vei kemuni ena vakanuinui,Oni solia vei ira na kedra kakana ena kena gauna.+
פ [Pe]
16 Oni dedeka na ligamuniQai vakaceguya na veika era gadreva na kabula kece.+
צ [Sati]
17 E yalododonu o Jiova ena nona ivalavala kece ga+Qai yalodina ena ka kece e cakava.+
ק [Kofa]
18 E voleka o Jiova vei ira kece na kacivi koya,+Vei ira kece na kacivi koya ena yalodina.+
ר [Resi]
19 E vakamamautaki ira na rerevaki koya ena ka era gadreva,+E rogoca o koya na nodra tagi ni kere veivuke qai vakabulai ira.+
ש [Sini]
20 E dau taqomaki ira kece na lomani koya o Jiova,+Ia ena vakawabokotaki ira kece na daucaka ca.+
ת [Tau]
21 Ena kacivaka na gusuqu na veivakacaucautaki i Jiova,+Mera vakacaucautaka na yacana tabu na kabula* kece me tawamudu, io me tawamudu.+
iVakamacala e ra
^ Se “sega ni kilai rawa.”
^ Se rawa ni, “nomuni kaukaua.”
^ Se “e yalovinaka.”
^ Ipe., “lewe kece.”
