Vei Ira mai Roma 13:1-14
13 Mera talairawarawa na tamata kece vei ira na iliuliu cecere,+ ni sega ni dua e veiliutaki rawa ke sega ni vakatara na Kalou.+ O ira kece na veiliutaki qo era veiliutaki tiko ga ena iyalayala e dui vakatara vei ira na Kalou.+
2 O koya gona, o koya e saqati ira na veiliutaki e saqata na ituvatuva ni Kalou, ena vakavuna ga nona lewai.
3 Era rerevaki na veiliutaki. Era sega ni rerevaki vei ira era cakava na ka vinaka, vei ira ga era cakava na ka ca.+ Vakacava, o na vinakata mo kua ni rerevaki ira na veiliutaki? Cakava tiko ga na ka vinaka,+ o na qai vakacaucautaki kina,
4 ni talai ni Kalou o koya mo vinaka kina. Ia ke o cakava tiko na ka ca, e dodonu mo rere, ni sega ni ka wale na kaukaua e soli vua me taura na iseleiwau. E italai ni Kalou o koya, e lesi me cudruvi ira na dau caka ca.
5 Qo na vuna moni talairawarawa kina, sega ena vuku wale ga ni cudru ya, ena vuku tale ga ni nomuni lewaeloma.+
6 Oya tale ga na vuna oni saumi ivakacavacava kina, ni vakatarai ira qo na Kalou mera qaravi ira na lewenivanua, ra qai veiqaravi tiko ga ena inaki qo.
7 Solia na ka vei koya e dodonu me soli vua, na ivakacavacava vei koya e lavaka na ivakacavacava,+ na ka me saumi vei koya e dodonu me saumi vua, me rerevaki o koya e dodonu me rerevaki,+ me rokovi tale ga o koya e dodonu me rokovi.+
8 Mo kua ni dinautaka e dua na ka vua e dua, moni veilomani ga,+ ni o koya e lomana na kainona e muria vinaka na lawa.+
9 Ni kaya na lawa, “Mo kua ni veibutakoci,+ mo kua ni laba,+ mo kua ni butako,+ mo kua ni kocokoco,”+ se mani vunau cava tale e tu, e umani taucoko ga ena vosa qo, “Mo lomana na kainomu, me vaka nomu lomani iko.”+
10 O koya e dau loloma ena sega ni caka ca vua na kainona,+ o koya gona e dau loloma ena muria vinaka sara ga na lawa.+
11 Moni cakava tale ga qo o kemuni, ni oni kila na gauna, ni sa kena aua moni yadra kina mai na moce,+ sa voleka tale ga na gauna meda vakabulai kina ni vakatauvatani kei na gauna eda vakabauta kina.
12 Sa balavu sara na bogi, sa voleka na mataka. Meda biuta tani gona na cakacaka ni butobuto+ da qai vakaiyaragi ena iyaragi ni rarama.+
13 Nida lako ena rarama, me rakorako na noda ivakarau.+ Me kua na marau vakalialia kei na mateni, me kua tale ga na veiyacovi tawadodonu kei na ivalavala vakasisila,*+ me kua tale ga na veivala kei na vuvu.+
14 Ia moni vakatotomuria na ivakarau ni Turaga o Jisu Karisito,+ ni kua tale ga ni dau lalawataka na sala moni vakaceguya kina na gagadre ni yagomuni.+
iVakamacala e ra
^ Se “ivalavala vakamadua.” Kirisi, a·selʹgei·a. Raica na iVakamacala ni Vosa.
