Na Cava o Nanuma me Baleta na Veisiga Nimataka?
Vakacava noda vuravura . . .
-
ena va tu ga qo?
-
ena qai ca sara?
-
ena vinaka cake?
KA E KAYA NA IVOLATABU
“Na Kalou . . . ena qusia tani tale ga na wainimata kece mai na matadra, sa na sega tale na mate, na lolosi, na tagiyaso, kei na mosi. Sa oti na veika e dau yaco e liu.”—Vakatakila 21:3, 4, Vakadewa ni Vuravura Vou.
KENA YAGA VEI IKO
Marautaki na cakacaka qai veivakacegui.—Aisea 65:21-23.
Sega tale na tauvimate kei na rarawa.—Aisea 25:8; 33:24.
Bula marau me tawamudu kei ira noda vuvale kei na noda itokani.—Same 37:11, 29.
EDA RAWA NI VAKABAUTA NA KA E KAYA NA IVOLATABU?
Io, qo e rua na vuna:
-
Tu vua na Kalou na kaukaua me vakayacora nona yalayala. E vakatokai Jiova na iVolatabu me Kalou “Kaukaua Duadua,” ni tawavakaiyalayala nona kaukaua. (Vakatakila 15:3, Vakadewa ni Vuravura Vou) Ena rawa ni vakayacora dina nona yalayala me veisautaka na noda vuravura me vinaka cake. Me vaka e kaya na iVolatabu, “e rawarawa vua na Kalou na ka kece.”—Maciu 19:26.
-
E vinakata sara ga na Kalou me vakayacora nona yalayala. Kena ivakaraitaki, e vinakata o Jiova me vakabulai ira tale era sa mate.—Jope 14:14, 15, Ai Vola Tabu.
E vakaraitaka tale ga na iVolatabu ni vakabulai ira na tauvimate na Luve ni Kalou, o Jisu. Na vuna? E vinakata sara ga o koya. (Marika 1:40, 41) Nona vinakata o Jisu me vakaceguya nodra gagadre na leqa tu, e vakaraitaka vinaka na itovo i Tamana.—Joni 14:9.
Eda vakadeitaka gona ni rau vinakata o Jiova kei Jisu meda marautaka noda bula ena veisiga nimataka!—Same 72:12-14; 145:16; 2 Pita 3:9.
VAKASAMATAKA MADA
Ena veisautaka vakacava na Kalou na noda vuravura me vinaka cake?
E sauma vei keda na iVolatabu ena MACIU 6:9, 10 kei na TANIELA 2:44.
Rawa ni o Wilika Tale ga
NA VALE NI VAKATAWA
Na ka Dina me Baleta na Veigauna se Bera Mai
Me vaqaqacotaka mada ga nomu inuinui na veika e tukuna na Kalou me baleta na vuravura ena veigauna se bera mai kei ira na bula kina.
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
NA VALE NI VAKATAWA
Cava ena Cakava na Matanitu ni Kalou?
E kila o Jisu na Matanitu ni Kalou duadua ga ena walia na leqa kece e vuravura. Cava sa cakava oti na Matanitu ni Kalou meda nuidei kina?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
