Ena Oti na Vakacaca ni Batikadi?
Ni oti na vakacaca ni batikadi, a de dua o dau taroga: ‘E kauaitaki keda na Kalou? Na cava e yaco kina na veika va qo? Ena oti na vakacaca ni batikadi? Rawa vakacava meu nuidei?’ Ena vakacegui iko na isau vakaivolatabu ni taro qori.
Cava nona rai na Kalou me baleta nodra vakacaca na batikadi?
E cata na Kalou na itovo kaukaua e okati kina na vakacaca ni batikadi. (Same 11:5; Vosa Vakaibalebale 6:16, 17) O Jisu e matataka na Kalou, a cudruvi ratou nona tisaipeli ni ratou vakaraitaka na itovo kaukaua. (Maciu 26:50-52) Eso era kaya nira vakaraitaka na itovo kaukaua ena vuku ni yaca ni Kalou, ia e cata na Kalou na ka era cakava qori. Ena sega mada ga ni via rogoca na nodra masu.—Aisea 1:15.
Na Kalou e kauaitaki ira na vakila tu na rarawa, okati kina o ira era sotava na vakacaca ni batikadi. (Same 31:7; 1 Pita 5:7) E kaya tale ga na iVolatabu ni Kalou ena vakaotia vakadua na itovo kaukaua.—Aisea 60:18.
Vu ni nodra vakacaca na batikadi
Qo na ka e kaya na iVolatabu na vuna levu duadua era vakacaca tiko kina na batikadi: “Nira veiliutaki na tamata e tini ga ina leqa” (Dauvunau 8:9) Ena veigauna sa oti, eso na iliuliu era vakayagataka na iwalewale qo mera vakalolomataki ira kina eso tale. Qori sa qai dau vakavuna mera vala lesu o ira na vakasaurarataki.—Dauvunau 7:7.
Ka ena yacovi ira na batikadi
E yalataka na Kalou ni na vakaotia na rere kei na itovo kaukaua. Ena qai vakilai na vakacegu e vuravura taucoko. (Aisea 32:18; Maika 4:3, 4) Ena:
Vakaotia vakadua nodra vakacaca na batikadi. Na Kalou ena raica me sosomitaka na veiliutaki vakatamata e vuravura taucoko, na veiliutaki ni nona matanitu. E kena iLiuliu o Jisu Karisito, ena lomani ira vakatautauvata na kawatamata, ena vakaotia tale ga na veivakasaurarataki kei na itovo kaukaua. (Same 72:2, 14) Sa na sega tale na batikadi ena gauna ya. O ira na tamata era na “kunea na marau vakasakiti ena levu ni vakacegu.”—Same 37:10, 11.
Vakaotia na veika e vakavuna na vakacaca ni batikadi. Ena vakaotia na Kalou na mosi e vakilai ena vakacaca ni batikadi. Ena vakabulai ira vakayago qai vakaotia nodra lomabibi. (Aisea 65:17; Vakatakila 21:3, 4) E yalataka tale ga ni na vakaturi ira na mate, ra qai bula ena vuravura ni vakacegu.—Joni 5:28, 29.
E tukuna tale ga na iVolatabu na vuna meda vakabauta kina ni sa vakarau cakava qori na Kalou. Ia de dua o na vaqaqa, ‘Na cava e se sega ni vakaotia kina na Kalou na vakacaca ni batikadi?’ Mo kila na kena isau sarava na vidio, Na Cava e Vakatara Kina na Kalou na Rarawa?
a “Na vakacaca ni batikadi” e kena ibalebale na veivakarerei me yaco kina nodra inaki ena veika vakapolitiki, vakalotu se vakamatatamata. Ia ni yaco qori eso era sega ni vakadeitaka e vakacaca ni batikadi se sega.
Rawa ni o Wilika Tale ga
ESO TALE NA ULUTAGA
Sala Mo Qarauna Kina na Ka o Lomaleqataka
Na vakatutu kei na tikinivolatabu cava ena vukei iko mo kua ni lomaleqa?
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
SAUMI NA TARO VAKAIVOLATABU
Na Cava na Matanitu ni Kalou?
Dikeva na vuna e uasivia kina na matanitu kece vakatamata na Matanitu ni Kalou.
NA VALE NI VAKATAWA
Cava ena Cakava na Matanitu ni Kalou?
E kila o Jisu na Matanitu ni Kalou duadua ga ena walia na leqa kece e vuravura. Cava sa cakava oti na Matanitu ni Kalou meda nuidei kina?
ESO TALE NA ULUTAGA
Ena Rawati e Vuravura na Lewadodonu?
E talei vua na Kalou na noda bula, e kaya kina na iVolatabu o koya ga na vu ni lewadodonu.
ESSENTIAL BIBLE TEACHINGS
Na cava e Vakatara Tiko Kina na Kalou na Rarawa?
Levu era vakataroga na cava sa rui levu kina na veicati kei na rarawa. E tiko ena iVolatabu na kena isau veivakacegui.
