Aber a Jesus wɔ asaase do no, nna ɔdɔ nyimpa paa ne tsitsir no ehiafo nye hɔn a nna dadwen ahyɛ hɔn do. (Matthew 9:36) Ɔdɔ a nna ɔwɔ ma nyimpa no maa ɔdze no nkwa bɔɔ afɔr maa hɛn. (Matthew 20:28; John 15:13) Ɔnnkɛkyɛr, ɔbɛsan so ayɛ biribi ama hɛn bio dze akyerɛ dɛ ɔdɔ hɛn. Sesei, ɔyɛ Nyankopɔn n’ahendzi no do hen, ntsi ɔdze tum a ɔwɔ no botu ohia ase.

 Asɛm dɛw bi wɔ Bible mu a ɔma yehu dza Jesus bɛyɛ. Ɔka dɛ:

•   “Ma ombu ɔman mu abɔbɔfo atsɛn, ma ɔngye ehiafo mba nkwa.”​—Ndwom 72:4.

 Yebesi dɛn akyerɛ dɛ, hɛn enyi sɔ dza Jesus ayɛ ama hɛn nye dza ɔbɛyɛ ama hɛn daakye no? Ehwɛ Luke 22:19 a, Jesus kaa kyerɛɛ n’ekyirdzifo dɛ wɔnkaa no wu no. Dɛm ntsi afe biara, sɛ dɛm da no dur a, Jehovah Adasefo a wɔwɔ wiadze nyina hyiamu kaa Jesus no wu no. Yɛto nsa frɛ wo dɛ, bɛka hɛnho Kwesida, March 24, 2024 ma yɛnkaa Jesus no wu no.

Hwehwɛ Nkaadzi Bi