JOKWA 02

Bibe̱l e mabola dipita

OKA

O wase ńe̱se̱, bato ba be̱n mitakisan mi mabole̱ babo̱ ná ba bwe ndutu, ba be̱ne̱ mutaka, ba kuse pe̱ na sese. Mo̱ e mápo̱ye̱ wa ná o be̱ o bete̱medi o masengano̱ nika e? Yen ebe we o taka ońolana o maboa to̱ ná moto o to̱ndino̱ a wedi. We so̱ ná o baise̱ wame̱ne̱ ná: ‘Mo̱ e me̱nde̱ wala buńa bō̱ e?’ Bibe̱l e mabola jalabe̱ di mabole̱ dipita.

1. Njika dipita Bibe̱l e mabolano̱ e?

Bibe̱l e mateleye̱ ońola nje wase e londino̱ na ndutu, e malangwa pe̱ myango ma bwam ná yi ndutu i mala bo̱ son a ponda. Makaki ma Bibe̱l me ná ma bola ná “lo be̱ mbaki ońola mińa mi maye̱, lo be̱ne̱ pe̱ dipita.” (Langa Yeremia 29:11, 12.) Ma makaki ma mongwane̱ biso̱ o lembe̱ ndutu di be̱nno̱ we̱nge̱, o be̱ muńe̱nge̱ to̱ na nika, na o be̱ne̱ dipita la be̱ bonam o bwindea.

2. Nje Bibe̱l e makwalano̱ ońola kie̱le̱ ni maye̱ e?

Bibe̱l e makwala ná o kie̱le̱ ni maye̱ “kwedi e si me̱nde̱ pe̱ be̱, male̱bo to̱ musea to̱ sese ba si me̱nde̱ pe̱ be̱.” (Langa Bebīsedi 21:4.) Mambo ma mabole̱ ná bato ba bo̱lo̱ne̱ dipita we̱nge̱, ka tue, si te̱me̱ la sim, maboa na kwedi ma si me̱nde̱ pe̱ be̱. Bibe̱l e makakane̱ ná bato ba me̱nde̱ be̱ne̱ longe̱ le bonam o bwindea o paradisi o wase.

3. Nje weno̱ ná o bola ná o be̱ mbaki ná makaki ma Bibe̱l ma me̱nde̱ londa e?

Bato jita ba pite̱ ná mambo ma bwam ma me̱nde̱ po̱, nde ba si be̱n mbaki to̱ po̱ ná nik’e me̱nde̱ londa. Makaki ma Bibe̱l mo̱ ma me̱nde̱ londa ye̱ke̱i te̱. Je ná di bola ná di be̱ mbaki na nje Bibe̱l e makwalano̱ tongwea na “wasa betiledi buńa te̱.” (Bebolo 17:11) O nokwa te̱ Bibe̱l, o me̱nde̱ po̱so̱ na wame̱ne̱ nga we ná o dube̱ nje e makwalano̱ ońola kie̱le̱ ni maye̱ to̱ ke̱m.

ALA O NJIBA

Okwa mambo mō̱ Bibe̱l e kakanno̱ ońola kie̱le̱ ni maye̱. E̱ne̱ ne̱ni dipita Bibe̱l e mabolano̱ di mongwane̱no̱ bato we̱nge̱.

4. Bibe̱l e makakane̱ ná je ná di be̱ longe̱ o bwindea esibe̱ ndutu to̱ po̱

Ombwa te̱ man makaki me o Bibe̱l. Njika mo̱ o to̱ndino̱ tobotobo e? Ońola nje pe̱ e?

Langa bepasi ba Bibe̱l be mabupe̱ ma makaki, nde lombweye pe̱ min myuedi:

Mo̱ o mo̱nge̱le̱ ná ben bepasi ba Bibe̱l be mabola dipita e? Be pe̱ ná be bola mbia na mako̱m mo̱ngo̱ dipita e?

Dutea ná we o wase owe̱ni

TO̱ MOTO A SI ME̱NDE̱NO̱ . . .	BATO BE̱SE̱ BA ME̱NDE̱NO̱ . . .
be̱ne̱ sese, duna to̱ wo̱.—Yesaya 25:8.	je̱ne̱ bandolo babu ba pumbwabe̱le̱, o be̱ pe̱te̱ longe̱ o wase.—Yohane 5:28, 29.
ko̱ diboa to̱ be̱ eboki.—Yesaya 33:24; 35:5, 6.	be̱ne̱ ja la bwam na timba pe̱te̱ ngińa ka o pond’eso̱mbe̱.—Hiob 33:25.
taka ońola si te̱me̱ la sim.—Yesaya 32:16, 17.	be̱ne̱ da njoasoa, bolongi ba bwam na ebolo e mabwesane̱ muńe̱nge̱.—Myenge 72:16; Yesaya 65:21, 22.
taka ońola bila.—Myenge 46:10.	be̱ne̱ musango mu bo̱le̱.—Myenge 37:11.
jo̱nge̱le̱ mambo ma mabwesane̱ ndutu.—Yesaya 65:17.	be̱ne̱ longe̱ le bonam o bwindea.—Myenge 37:29.

5. Dipita Bibe̱l e mabolano̱ le ná di tukwa longe̱ la moto

Ndutu yena ye o wase i mabola ná bato jita ba be̱ne̱ mulema mu ńo̱sedi to̱ ná ba linge. Bō̱ ba makeka jana ná ba tukwe mambo. Ombwa ne̱ni kakane̱ la Bibe̱l ná mambo ma me̱nde̱ be̱ bwam di mongwane̱no̱ bato nin we̱nge̱. Ombwa SINIMA, nde lo kwaleye pe̱ ońola myuedi mi mabupe̱.

SINIMA: Na ta na pula janane̱ ka ni si te̱m ná sim (4:07)

O ni sinima, njika bete̱medi ba si te̱me̱ la sim be ta be takise̱ Rafika e?
To̱ná be bete̱medi be si tukono̱, ne̱ni Bibe̱l ńongwane̱no̱ mo̱ e?

Dipita Bibe̱l e mabolano̱ ońola kie̱le̱ ni maye̱ di mongwane̱ o janane̱ mulema mu ńo̱sedi na o lembe̱ ndutu di be̱nno̱ we̱nge̱. Langa Minia 17:22 na Roma 12:12, nde lo kwaleye pe̱ ońola min myuedi:

Mo̱ o mo̱nge̱le̱ ná dipita lena le o Bibe̱l le ná di tukwa longe̱ lo̱ngo̱ we̱nge̱ e? Ońola nje pe̱ e?

BATO BA MAKWALA NÁ: “Makaki ma Bibe̱l ońola kie̱le̱ ni maye̱ ma do̱li nde ma titi ná ma londa.”

Ońola nje yeno̱ mweńa ná wame̱ne̱ o wase bia nga me ná ma londa e?

EBONGOLO

Makaki ma Bibe̱l ońola kie̱le̱ ni maye̱ ńe bonam ma mabola biso̱ dipita, mongwane̱ pe̱ biso̱ o lembe̱ ndutu di be̱nno̱ we̱nge̱.

Ndimbisedi

Ońola nje bato ba be̱nno̱ ńo̱ng’a dipita e?
Nje Bibe̱l e makwalano̱ ońola kie̱le̱ ni maye̱ e?
Ne̱ni dipita ońola kie̱le̱ ni maye̱ di mongwane̱no̱ wa we̱nge̱ e?

Buńa din jokwa di bo̱ino̱:

Bola din

Ná o bie makaki ma Bibe̱l bwam, langa bepasi ba Bibe̱l be o din jokwa.

Dipe̱pe̱:

Your other goal

BATA WASA

Bata jokwa njika ngińa dipita di be̱nno̱.

“Dipita—Ne̱ni weno̱ ná o be̱ne̱ mo̱ e?” (Umwe̱!, Dibaba 22, 2004)

E̱ne̱ ne̱ni dipita ońola kie̱le̱ ni maye̱ leno̱ ná longwane̱ bato bena ba be̱n diboa di si mabo̱.

“Ne̱ni lembe̱ diboa di matike̱ po̱ko̱po̱ko̱—Mo̱ Bibe̱l ńe ná ńongwane̱ e?” (Tema o mulomba)

O nombwa te̱ mun musiki mu lati na bedinge̱dinge̱, e̱ne̱ ne̱ni bińo̱ na mbia mo̱ngo̱ leno̱ bwane̱ longe̱ muńe̱nge̱ o paradisi ni maye̱ Bibe̱l e kakanno̱.

E̱ne̱ te̱ bo buńa (3:37)