JOKWA 01

Ne̱ni Bibe̱l ńeno̱ ná ńongwane̱ wa e?

OKA

Biso̱ be̱se̱ di mapula bia ońola nje jeno̱ longe̱, di matakano̱, di mawo̱no̱ pe̱, na ne̱ni kie̱le̱ e me̱nde̱no̱ be̱. Di be̱n pe̱ ńo̱ng’a jongwane̱ ońola mambo ka wasa mo̱ni o bongwa biso̱me̱ne̱ to̱ ne̱ni be̱ne̱ longe̱ la mbia le bonam. Bato jita ba so̱i ná Bibe̱l ńongwane̱ babo̱ o kusa malabe̱ ma myuedi ma mweńa ma longe̱, e mabola pe̱ babo̱ malea ma bwam ońola longe̱ la buńa te̱. Mo̱ o mo̱nge̱le̱ ná Bibe̱l ńe ná ńongwane̱ mō̱ ńasu te̱ e?

1. Njika myuedi mō̱ Bibe̱l e malabe̱no̱ e?

Bibe̱l e malabe̱ myuedi ma mweńa ka min: Ne̱ni longe̱ di botedino̱ e? Ońola nje jeno̱ longe̱ e? Ońola nje bato ba matakano̱ e? Nje e mapo̱ye̱ moto ke̱ a wedi e? Yete̱na bato be̱se̱ ba mapula nde musango, ońola nje bila be si mabo̱no̱ e? Ne̱ni wase e me̱nde̱no̱ be̱ kie̱le̱ ni maye̱ e? Bibe̱l e mome̱le̱ biso̱ o wasa malabe̱ ma myuedi ka min, lodun la bato lo bwane̱ pe̱ malabe̱ ba so̱ino̱ muńe̱nge̱.

2. Ne̱ni Bibe̱l ńeno̱ ná ńongwane̱ biso̱ o bwane̱ longe̱ muńe̱nge̱ e?

Bibe̱l e mabola biso̱ malea ma bwam. K’eyembilan, e malee̱ ne̱ni be̱ne̱ longe̱ la mbia le bonam na mbale̱. E malangwea biso̱ nje bola ke̱ jepame̱, na ne̱ni bwane̱ ebol’asu muńe̱nge̱. Di nokwa te̱ nin kalati, o me̱nde̱ jokwa nje Bibe̱l e malee̱no̱ ońola man mato̱ti na mape̱pe̱. O me̱nde̱ jemba ná “betiledi be̱se̱ [nje ye̱se̱ ye o Bibe̱l] . . . be muse̱ṅ.”—2 Timoteo 3:16.

Nin kalati e si mano̱ngo̱ epol’a Bibe̱l. Nde e mome̱le̱ nde wa ná wame̱ne̱ wokwe Bibe̱l. Ońola nika, di mabola wa malea ná o lange bepasi ba Bibe̱l be bolabe̱ o man mokwa o kobisane̱ pe̱ mo̱ na nje weno̱ o jokwa.

ALA O NJIBA

Okwa ne̱ni Bibe̱l ńongwane̱no̱ bato, ne̱ni weno̱ ná o to̱ndo̱ langa mo̱, na ońola nje e mapulano̱ wa jongwane̱ ná o so̱ṅtane̱ mo̱.

3. Bibe̱l ńe ná e die̱le̱ biso̱

Bibe̱l ńe nde ka etrukaṅ ya ngińa. Bibe̱l ńe ná ńongwane̱ biso̱ o no̱ngo̱ bedomsedi ba bwam, ńe pe̱ ná e langwea biso̱ ne̱ni kie̱le̱ e me̱nde̱no̱ be̱.

Langa Myenge 119:105, nde lo kwaleye pe̱ ońola min myuedi:

Ne̱ni mutiled’a mun mwenge a tano̱ e̱ne̱ Bibe̱l e?
Ne̱ni wa pe̱ o me̱ne̱no̱ Bibe̱l e?

4. Bibe̱l ńe ná ńalabe̱ myuedi di be̱nno̱

Muto mō̱ a so̱i ná Bibe̱l e malabe̱ myuedi mena mi takise̱ mo̱ pond’a bwaba. Ombwa SINIMA, nde lo kwaleye pe̱ ońola myuedi mi mabupe̱.

SINIMA: O si bo̱lo̱ne̱ dipita to̱ buńa! (1:48)

O ni sinima, njika myuedi nu muto a tano̱ a be̱ne̱ e?
Ne̱ni jokwa la Bibe̱l longwane̱no̱ mo̱ e?

Bibe̱l e matute̱le̱ biso̱ o baise̱ myuedi. Langa Mateo 7:7, nde lo kwaleye pe̱ ońola myuedi mi mabupe̱:

Njika myuedi o be̱nno̱ Bibe̱l ńeno̱ ná ńalabe̱ e?

5. We ná o to̱ndo̱ langa Bibe̱l

Bato jita ba to̱ndi langa Bibe̱l, nik’e mawanea pe̱ babo̱ tombwane̱. Ombwa SINIMA, nde lo kwaleye pe̱ ońola myuedi mi mabupe̱.

SINIMA: Bolanga ba Bibe̱l (2:05)

O ni sinima, ne̱ni be beso̱mbe̱ be me̱ne̱no̱ bolanga e?
Nde ońola nje be to̱ndino̱ bolanga ba Bibe̱l e?

Bibe̱l e makwala ná ńe ná e bola biso̱ belēdi be malo̱ke̱ biso̱, be bola pe̱ biso̱ dipita. Langa Roma 15:4, nde lo kwaleye pe̱ ońola min myuedi:

Mo̱ o mapula bia makaki ma lo̱ko̱mea na ma dipita me o Bibe̱l e?

6. Bato bape̱pe̱ be ná bongwane̱ biso̱ o so̱ṅtane̱ Bibe̱l

Bato jita be̱n ná o sumo te̱ langa la Bibe̱l na babo̱me̱ne̱, kwalea ońol’ao na bape̱pe̱ le mweńa. Langa Bebolo 8:26-31, nde lo kwaleye pe̱ ońola min myuedi: