2 Mo̱ biso̱ nde je njo̱m a tak’asu e?
Ońola nje mi myuedi meno̱ mweńa
Jalabe̱ le te̱ ná e, ke̱ nik’e mapula so̱ nde kwala ná je ná di bo̱le̱ take.
Dutea te̱
Nate̱na njika dikala bato ba benama beno̱ njo̱m a man mambo me̱se̱ ma mawane̱ ndutu e?
-
Njo.
Organisation Mondiale de la Santé (OMS) e kwali ná ba malee̱le̱ moto mō̱ omo̱ń a bane̱i njo botea mūtu, muto mō̱ pe̱ omo̱ń a balalo a madipabe̱, to̱so̱ ba manangane̱ mo̱ na mińakisan (to̱ bebane̱) o dikala eno̱ ná a bo̱lo̱ne̱ longe̱ lao.
-
Ebwan.
World Health Statistics 2018 ni busisabe̱ na OMS e kwali ná “lambo ka 477 000 la bato lo bwabe̱ o mbu 2016.” O mbat’a nika, o be̱n pe̱ lambo ka 180 000 la bato lo bwabe̱ o bila mu mbu me̱ne̱.
-
Maboa.
O tema po̱ ni busi o kalati National Geographic, Fran Smith a tili ná buka na lokoli la lodun la bato lo mańo̱ sika, sika pe̱ nde e mawane̱ maboa mena ma mabwe̱ jita ka diboa la mulema, AVC, na kanse̱r ńa besaosao.
-
Ndando.
Do̱kita Jay Watts a kwali ná “mambo ka tue, si te̱me̱ la sim, ndando ńa muso̱no̱ m’eyobo, ndando oteten a bome na bito, ńa la mīla o bekombo bepe̱pe̱, na penda oteten a matumba, ma matakise̱ bato jita.”
BATA JOKWA
Ombwa sinima Ońola nje Loba a wekino̱ wase e? o jw.org.
Nje Bibe̱l e makwalano̱
Bato ba benama nde be njo̱m a dongo dinde̱ne̱ la ndutu ye o wase we̱nge̱.
Jita la yi ndutu di mawa nde tongwea na manea ma matuse̱ bato, ma mabole̱ ná longe̱ la bato bena be owas’a bediedi babu di be̱ ndutu.
“Mō̱ a manea nune̱ o sebea mo̱ mbeu a ńolo.”—MULANGWEDI 8:9.
Take ńe ná e wo̱ye̱.
Bete̱sedi ba Bibe̱l be mabola ja la bwam na mulatako ma bwam na bane̱.
“Mulema ma musango mwe nde longe̱ la ńolo, nde iko̱n ye nde po̱se̱ oteten a bewese.”—MINIA 14:30.
“Bińo̱ bo̱le̱ njongi ńe̱se̱ na pidi na malinga na myambo na dibena, nikame̱ne̱ pe̱ na bobe bwe̱se̱.”—EFESO 4:31.
