UMWE̠! No̱. 2 2020 | Myuedi 5 jombwea take na malabe̱
O nin mbadi to̱ nine̱, mō̱ ńasu te̱ a mákusa ndutu—yen ebe diboa, mbeu a ńolo ń’epańpań, to̱ eboled’a njo.
Bato ba mawasa malabe̱.
Bato bō̱ ba mo̱nge̱le̱ ná take ńe nde lambo lena di máte̱se̱be̱ ońol’asu oboso ba ponda, to̱so̱ ná di titi ná di bola to̱ lambo o samba mo̱.
Bape̱pe̱ ba mo̱nge̱le̱ ná di mataka nde ońola nje di bolino̱ o longe̱ lasu di tombi.
Mambo ma bobe ma mako̱ye̱ bato ma mabola ná ba be̱ne̱ myuedi jita esibe̱ malabe̱.
Nje bō̱ ba dube̱no̱
Langa nje bebasi bō̱ be makwalano̱ jombwea njo̱m a take.
1 Mo̱ Loba nde e njo̱m a tak’asu e?
Bato ba si to̱ndi belēdi be mato̱pe̱ mpoṅ jombwea Loba. Nje ye mbale̱ e?
2 Mo̱ biso̱ nde je njo̱m a tak’asu e?
Jalabe̱ le te̱ ná e, nik’e mapula so̱ nde kwala ná je ná di bo̱le̱ take.
3 Ońola nje bato ba bwam ba matakano̱ e?
Bibe̱l e mongwane̱ biso̱ o bia jalabe̱.
4 Di wekabe̱ nde ná di take e?
Mo̱ e te̱nge̱n o jo̱nge̱le̱ ná Loba nu weki man mambo ma mpesa me̱se̱ me o wase ese̱le̱ ná di take e? Ye te ná ke̱m, nje ye njo̱m e?
5 Take e me̱nde̱ bo̱ buńa bō̱ e?
Bibe̱l e malangwea biso̱ ne̱ni Loba a me̱nde̱no̱ bo̱le̱.
Jongwane̱ le
To̱ e me̱ne̱ne̱ nde biana mitakisan mo̱ngo̱ mi titi ná mi bo̱, bediedi be bena be ná bongwane̱ wa.
