LESON 02
Labib i donn lespwar
Dimoun partou dan lemonn pe fer fas avek bann problenm ki fer zot tris, enkyet e menm soufer. Ou’n deza vwar ou dan en sityasyon ki fer ou santi koumsa? Petet ou pe soufer avek en maladi oubyen en dimoun ki ou ti kontan in mor. Ou kapab demann ou lekor, ‘Eski sa lavi pou vin pli meyer ki sa?’ Larepons ki Labib i donnen i rekonfortan.
1. Ki lespwar Labib i donnen?
Labib pa zis eksplik nou akoz sa lemonn i ranpli avek problenm me i osi donn nou en bon nouvel. Sa bann problenm i tanporer e byento zot pou nepli la. Bann promes dan Labib i kapab donn ou “en lavenir ranpli avek lespwar.” (Lir Zeremi 29:11, 12.) Sa bann promes i kapab ed nou fer fas avek nou bann problenm, annan en latitid pozitif e ed nou pour nou vreman ere.
2. Ki mannyer Labib i dekri lavenir?
Labib i dekri en lavenir kot “pou nepli annan ni lanmor, ni dey, ni leokri, ni douler ankor.” (Lir Revelasyon 21:4.) Sa bann problenm ki kapab fer dimoun sitan dezespere ozordi, parey lapovrete, lenzistis, maladi ek lanmor pou nepli egziste. Labib i promet ki bann imen pou kapab viv pour touzour lo sa later ki pou’n vin en paradi.
3. Ki mannyer ou kapab devlop konfyans dan sa lespwar ki Labib i donnen?
Bokou dimoun ti a kontan vwar bann bon keksoz arive me zot pa asire si vreman en zour i pou arive. Bann promes Labib zot, zot diferan. Nou kapab devlop konfyans dan sa ki Labib i dir par “egzamin Lekritir sak zour.” (Akt 17:11) Anmezir ou etidye Labib, ou menm ki pou deside si ou kapab vreman krwar sa ki i dir konsernan lavenir.
AL PLI O PROFON
Egzamin serten keksoz ki Labib i promet pour lavenir. Gete ki mannyer sa lespwar ki Labib i donnen pe ed bann dimoun ozordi menm.
4. Labib i donn nou lespwar pour viv pour touzour san ki nou bezwen soufer
Get sa bann promes ki sorti dan Labib. Lekel ki ou pli kontan? Akoz?
Get sa bann verse Labib ki’n ganny site o bor sa bann promes e reponn sa bann kestyon:
-
Ou krwar sa bann verse Labib i donn lespwar? Eski zot ti a kapab donn lespwar ou fanmir ek ou bann zanmi?
Esey vwar ou, pe viv dan en lemonn kot
|
PERSONN PA POU . . . |
TOU DIMOUN POU . . . |
|---|---|
|
|
|
|
|
|
|
|
|
|
5. Lespwar ki Labib i donnen i kapab fer en diferans
Bokou dimoun i dekouraze oubyen menm ankoler ler zot vwar tou sa problenm otour zot. Serten i lalit pour sey sanz keksoz pour vin pli meyer. Annou vwar ki mannyer promes Labib ki keksoz pou vin pli meyer pe ed bann dimoun konmela menm. Zwe sa VIDEO e apre reponn sa bann kestyon.
-
Dan sa video, ki kalite lenzistis ki ti fatig Rafika?
-
Ki mannyer Labib ti ed li, menm si sa lenzistis ki i ti vwar ti kontinyen?
Lespwar ki Labib i donnen pour lavenir i kapab ed nou pour lalit avek dekourazman e reisi fer fas avek nou problenm. Lir Proverb 17:22 ek Romen 12:12 e apre reponn sa bann kestyon:
-
Ou krwar sa mesaz lespwar dan Labib i kapab fer en diferans dan ou lavi la konmela menm? Akoz?
SERTEN DIMOUN I DIR: “Bann promes dan Labib pour lavenir i tro bon pour krwar.”
-
Akoz ou krwar i enportan pour ou vwar pour ou menm?
REZIMEN
Labib i promet en lavenir kot nou pou ere. Sa i donn nou lespwar e ed nou fer fas avek nou bann difikilte.
Revizyon
-
Akoz dimoun i bezwen en lespwar?
-
Ki Labib i dir konsernan lavenir?
-
Ki mannyer annan en lespwar pour lavenir i kapab ed nou konmela menm?
FER PLIS RESERS
Aprann ki lefe lespwar i kapab annan lo ou lavi.
“Hope—Where Can You Find It?” (Veye! 22 Avril 2004 an Angle)
Gete ki mannyer lespwar pour lavenir i kapab ed bann ki pe viv avek en maladi kronik.
“Living With Chronic Illness—Can the Bible Help?” (Lartik lo jw.org)
Ler ou get sa video lanmizik, esey vwar ou ek ou fanmir dan sa Paradi ki Labib i promet pour lavenir.
En dimoun ti pe lite pour li sanz sa lemonn. Lir ki mannyer son lavi ti sanze ler i ti aprann konsernan lespwar ki Labib i donnen pour lavenir.
“I No Longer Feel That I Have to Change the World” (Latour Veyer 1 Zilyet 2013 an Angle)
You May Also Like
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
