KAPAS EIS 16
Ifa Ussun Kopwe Likiitú fán Aúrek?
“Kopwe monätä won ewe Samol mi Lapalap om weires, pwe i epwe tümwünuk. Esap fokun mwütätä pwe ewe chon pwüng epwe kuf.”
Kölfel 55:22
“Aramas mi akota ar angang o achocho le föri repwe pisekisek, nge chokewe mi chök müttir föri ar angang, nge resap akota me mwan, repwe wöüngau.”
Än Salomon Fos 21:5
“Kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.”
Aisea 41:10
“Ié me leimi a tongeni attamaaló pwal mwo nge ekis manawan ren an aúrek?”
“Ina minne, ousap fókkun aúrek ussun lesor pún lesor epwe pwisin wor an aúrek. Eú me eú rán a naf ngeni pwisin an kewe osukosuk.”
“Oupwe tongeni filaatá ekkewe mettóch mi fókkun aúchea.”
“Ousap aúrek ren och mettóch, nge oupwe isettá ngeni Kot lón iótek meinisin met oua aúreki, me oupwe iótek ngeni seni unusen letipemi fiti tingor me kilisou. Iwe, án Kot we kinamwe, ewe mi luluuló seni met aramas ra tongeni weweiti, epwe túmúnú letipemi me ekiekimi lón Kraist Jises.”
