Salmo 77:1-20
Ngadto sa direktor; sa Jedutun.* Salmo ni Asap.+
77 Ako motuaw sa Diyos;Motuaw ko sa Diyos sa kusog nga tingog, ug siya magpatalinghog kanako.+
2 Sa adlaw sa akong kasakit mangita ko kang Jehova.+
Sa kagabhion walay hunong nakong ginatuy-od kaniya* ang akong kamot.
Apan ako dili mahupay.
3 Dihang hinumdoman nako ang Diyos, moagulo ko;+Matugaw ko ug maluya.*+ (Selah)
4 Gipahinabo nimo nga kanunayng magbuka ang akong mga tabontabon sa mata;Nabalaka ko ug dili makasulti.
5 Gihandom nako ang mga adlaw nga dugay na kanhi,+Ang dugay na kaayong katuigan.
6 Panahon sa kagabhion hinumdoman nako ang akong awit;*+Mamalandong ko diha sa akong kasingkasing;+Maghimo ko* ug makugihong pagsusi.
7 Isalikway ba ta ni Jehova hangtod sa hangtod?+
Dili na ba gyod siya magpakitag pag-uyon?+
8 Dili na ba siya magpakitag maunongong gugma hangtod sa hangtod?
Wala na bay kaliwatan nga makakita sa katumanan sa iyang saad?
9 Nakalimot na ba ang Diyos sa pagpakitag pag-uyon,+
O nawala na ba ang iyang kaluoy tungod sa iyang kasuko? (Selah)
10 Angay ba kong magpadayon sa pag-ingon: “Kini ang nakahatag nakog kasakit:*+
Ang Labing Hataas nagpugong sa iyang tabang* alang kanamo”?
11 Hinumdoman nako ang mga buhat ni Jah;Hinumdoman nako ang imong kahibulongang mga buhat nga dugay na kanhi.
12 Ug akong pamalandongon ang tanan nimong kalihokanUg hunahunaon pag-ayo ang imong mga pakiglabot.+
13 Oh Diyos, balaan ang imong mga dalan.
Kinsa nga diyos ang sama nimo ka bantogan, Oh Diyos?+
14 Ikaw ang matuod nga Diyos, nga nagabuhat ug kahibulongang mga butang.+
Gipadayag nimo ang imong kusog ngadto sa mga katawhan.+
15 Pinaagi sa imong gahom* giluwas* nimo ang imong katawhan,+Ang mga anak ni Jacob ug ni Jose. (Selah)
16 Ang katubigan nakakita kanimo, Oh Diyos;Ang katubigan nakakita kanimo ug naukay.+
Ug ang lawom nga katubigan nakutaw.
17 Ang kapanganoran nagbubo ug tubig.
Ang nagdag-om nga kalangitan midalugdog,Ug ang imong mga udyong nanglupad sa tibuok palibot.+
18 Ang dahunog sa imong dalugdog+ nahisamag mga ligid sa karo;Ang mga kidlap sa kilat midan-ag sa gipuy-ang yuta;*+Ang yuta natay-og ug nauyog.+
19 Latas sa dagat ang imong dalan,+Latas sa daghang katubigan ang imong alagianan;Apan dili makita ang imong mga tunob.
20 Gitultolan nimo ang imong katawhan samag panon sa karnero,+Pinaagi sa pag-atiman* ni Moises ug Aaron.+
Mga Footnote
^ Literal, “Sa kagabhion naminhod.”
^ Literal, “mautas ang akong espiritu.”
^ Literal, “ang akong espiritu.”
^ O “ang honi sa akong dekuwerdas nga instrumento.”
^ Literal, “tuong kamot.”
^ O “nagaduslak kanako.”
^ Literal, “bukton.”
^ Literal, “gitubos.”
^ O “sa mabungahong yuta.”
^ Literal, “kamot.”
