Salmo 36:1-12

  • Bililhong maunongong gugma sa Diyos

    • Ang daotan walay kahadlok sa Diyos (1)

    • Ang Diyos, tuboran sa kinabuhi (9)

    • “Pinaagi sa imong kahayag, kami makakitag kahayag” (9)

Ngadto sa direktor. Salmo sa alagad ni Jehova nga si David. 36  Ang kalapasan nagasulti diha sa kasingkasing sa daotan;Wala siyay kahadlok sa Diyos.+   Kay sa iyang kaugalingong mga mata, importante kaayo siya,Nga dili na niya makita ang iyang sayop ug dumtan kini.+   Ang mga pulong sa iyang baba makadaot ug malimbongon;Wala siyay lawom nga pagsabot alang sa pagbuhat ug maayo.   Nagplano siyag daotan bisan diha sa iyang higdaanan. Nagbarog siya sa alagianan nga dili maayo;Wala niya isalikway ang daotan.   Oh Jehova, ang imong maunongong gugma misangko sa kalangitan,+Ang imong pagkakasaligan misangko sa kapanganoran.   Ang imong pagkamatarong samag habog nga kabukiran;*+Ang imong mga hukom samag lapad ug lawom nga katubigan.+ Oh Jehova, ginaluwas nimo ang tawo ug mananap.+   Pagkabililhon sa imong maunongong gugma, Oh Diyos!+ Sa landong sa imong mga pako, ang mga anaksa mga tawo modangop.+   Pangan-on nila ang dagayang pagkaon diha* sa imong balay hangtod nga matagbaw sila,+Ug paimnon nimo sila sa suba sa imong pagkamaayo.+   Ikaw ang tuboran sa kinabuhi;+Pinaagi sa imong kahayag, kami makakitag kahayag.+ 10  Padayong ipakita ang imong maunongong gugma ngadto sa mga nakaila kanimo,+Ug ang imong pagkamatarong ngadto sa mga matul-id ug kasingkasing.+ 11  Ayawg tugoting tumban ko sa tiil sa mapahitas-onO abogon ko sa kamot sa daotan. 12  Didto, ang mga mamumuhat ug daotan nangapukan;Sila gipanglup-og ug dili na makabangon.+

Mga Footnote

Literal, “samag kabukiran sa Diyos.”
Literal, “ang katambok.”