Wòrupïatopo 5
Neiara oyakono tuaroʼmanamon maro asakarïkon maro eropa oiyenònòpïʼpïa owemamïrïkomba
‹O iyòʼmïndotoko . . . juʼpïa amu poko weiniokon ke, amu koʼpo otapoʼpa weiniokon ke, sawoʼne wotapono ke, òsimiaʼmaʼpa weiniokon ke eropa.›—Colossians 3:12
Maritimie owèíʼpio mero oseke oʼwanoʼno oyasakarï apoiʼpioʼpo moro oʼwa. Otuaroʼmanamon choʼpo ròrïpïo oyapokurume ma, yaame pioko owèʼchopo kapïn, morote moʼko omaritijï paʼporo choʼpoinie tuaro owèʼchopome erome ma. Ambïako otuaroʼmanamon, ijòseʼpa amukon ròten oyasakarïkon atòʼke ròrïpïo moro paʼme oweijï ma. Morote, Opoto Papa Karetarï tanokon womepatoʼkomba owepatomanopa neiara piokoinie owèíshe oweijï poko sheʼmero tomambòre owèʼchoʼkonʼme, jupïa ne owemamïrï poko owèʼkuru yako moʼko maritimie onïrïʼpïo maro.
1 NEIARA OʼWAINIE OTUAROʼMANAMON TONESE YEIJÏ
ÈNÏ PAʼME OPOTO PAPA KARETARÏ ÏNGANO: ‹Nuse oyumï maro osano eneko.› (Ephesians 6:2) Oronge ròrïpïo oʼtoro osirichorï weijï, ekemaʼpa ròten okoʼponome otuaroʼmanamon enesepa ma, jupïa eropa piokoinie owèíshe ma. Upuʼko eropa moro paʼme roropa oyakono tïwèíshepa yeijï tïtuaroʼmanamon poko. ‹Otapokume weinio èmïnïʼma ma,› ijokero oyakono apokurumene kapïn kïtokanopïi amukonïmbo yako tïtuwaroʼmanamon maro pòre yeijï ke ròten.—1 Corinthians 13:4; Galatians 5:26.
AMU OʼTO OWÈʼCHOPO:
-
Choʼpo ròten kïkai ènïkon paʼme:«Oyasakarïkon ekemaʼpamboto ròten yaame yapoponoʼpoaton» ijòseʼpa, «Òtïro poko wïèʼchopo osano atòʼkepa ma»
-
Neiara tïtuaroʼmanamon poko oyakono wotapòrï uputïrï poko èʼkuko
2 EINIAʼMA ÈʼCHO TÏSEPA AʼTA
ÈNÏ PAʼME OPOTO PAPA KARETARÏ ÏNGANO: ‹Amu kariʼnia tïyumï maro tïsano noamba ijombo tïpïtï maro roʼkon ma, òʼwin osepunume eropa kïneiaton.› (Genesis 2:24) Maritimie owèíʼpiopa ponaro ambïako oyumï maro osano tïnenèrïkon me noro oweneyan, ambòre eropa ambïako oʼto owèísheinie oweijïkon ekariʼpiotïse oʼwainie ma.
Oyakono maro onuputïrï moro neiara yèísheinie oweijïkon opokoinie. Sawoʼne me ekariʼcho iʼyainie owotapòrï paʼmero, apòʼtumbe euranaʼpa. (Proverbs 15:1) Oyakono asakarïkon maro tomambòre owemainiapa amu koʼpo otapoʼpa owemèrïme aʼta, kòí oreʼkoʼmaʼpa eropa, otasichaʼmaʼpa oyaʼta eropa, oro ròten oʼto yaame oweiʼpiotïrïkon ïporïpïa yako otapokume oweijïkon ke.—Ephesians 4:2.
AMU OʼTO OWÈʼCHOPO:
-
Owemamïrïkon poko oyakono asakarïkon weijï oyatòʼkepa aʼta, oyakono maro pioko òrupïako erekuʼpïane oyaʼtainie
-
Osepaʼme oʼto owïkatoʼkon epotoko neiara morokon topatoro ïrïʼmarï poko
