Eneko paʼme owònumïngarï ta Opoto Papa Karetarï ta ekarichïʼmasan enèrïpïa oʼwa erokon tapoiʼpiomïngomba eurangonïmbo paʼme èrupïarïkon apoiʼpioʼmaʼpo etarï pato. Yèíʼmiaʼpo yakoro paʼme morïanokon kïnotano, sinia eropa, ijombo te oʼto wïkano piokoinie èrupïaʼmaʼpo mero.Euramïngon euran ta enepotoʼkon piʼchakon eropa mondo ma.

Moro ourananokon pakïsïrï weinio ònishanòrï ouranano anungo, ijombo akïʼkako Upiʼcho òtïpangon Opoto Papa Karetarï ta yèíʼmiasan eurangonïmbo paʼme èrupïarï mondo weijï enetòʼme moro ouranano ta. Asi moro Opoto Papa Karetarï tano kareta èti mieroko ònishanòrïmbone epotòʼme.