¿Kʼo komä jun qʼij xkekʼastäj pä ri kamnaqiʼ?
¿Naʼij rït chë...
-
... jaʼ?
-
... manä?
-
... rkʼë jbʼaʼ?
RI NUʼIJ LE BIBLIA
«Xkekʼastäj na pä ri kamnaqiʼ» (Hechos 24:15, Traducción del Nuevo Mundo, 2019).
¿ACHKË UTZIL NUKʼÄM PÄ PA QAWIʼ RI NQATAMAJ RIʼ?
Nukʼuqbʼaʼ qakʼuʼx taq nkäm jun qachʼalal (2 Corintios 1:3, 4).
Nqrtoʼ rchë ma nqaxiʼij ta qiʼ chwäch ri kamïk (Hebreos 2:15).
Nukʼuqbʼaʼ qakʼuʼx chë kʼo jun qʼij xtqatzʼët na chik jmul kiwäch ri qachʼalal ri ye kamnäq äl (Juan 5:28, 29).
¿ACHKË RMA ÜTZ NQANMAJ RI NUʼIJ LE BIBLIA?
Rma re oxiʼ naʼoj reʼ:
-
Yë Dios xyaʼö qakʼaslemal. Le Biblia nuʼij chë kan rkʼë Jehová «ntzʼuktäj wä pä ri kʼaslemal» (Salmo 36:9; Hechos 17:24, 25). We yë Jehová xyaʼö kikʼaslemal jontir ri ye kʼo chwäch le Ruwachʼulew, reʼ ntel chë tzij chë xtkowin xtyaʼ chik jmul kikʼaslemal ri winäq ri ye kamnäq äl.
-
Ojer qa, Dios xerukʼasoj jojun kamnaqiʼ. Le Biblia nutzjoj kij 8 winäq ri tapeʼ xekäm, xekʼasöx pä chik. Chkikojöl ri winäq riʼ ye kʼo achiʼaʼ chqä ixoqiʼ ri jalajöj kijunaʼ. Jojun chkë ryeʼ xekʼasöx taq xa kʼa riʼ wä jbʼaʼ kekäm qa, ye kʼa kʼo jun achï xkʼasöx tapeʼ qʼaxnäq wä chik kajiʼ qʼij tkäm qa (Juan 11:39-44).
-
Dios kan nurayij yerukʼasoj pä ri kamnaqiʼ. Jehová nutzelaj ri kamïk rma kan achiʼel jun rukʼulel nutzʼët che rä (1 Corintios 15:26). Ryä kan ruyoʼen chik ri qʼij rchë xtchüp ruwäch ri kamïk, y xtuʼän riʼ taq xkerukʼasoj pä ri kamnaqiʼ. Kʼo ta nrajoʼ ryä chë xapon ta yän ri qʼij rchë yerukʼasoj pä jontir ri winäq ri ma yerumestan ta, rchë ke riʼ yerutzʼët chik jmul chwäch le Ruwachʼulew (Job 14:14, 15).
TTAKʼUTUJ QA REʼ CHAWÄCH
¿Achkë rma nqrjïx chqä nqkäm?
Ri ruqʼalajsaxik re kʼutunïk reʼ xtawïl chpan GÉNESIS 3:17-19 y chpan ROMANOS 5:12.
Rkʼë jbʼaʼ nawajoʼ natzʼët chqä reʼ
CHQIJ RÖJ
¿Achkë rma ütz nqatjoj qiʼ chrij le Biblia? (versión completa)
Pa millón chkë ri winäq ronojel ruwachʼulew kilon chpan le Biblia ri kiqʼalajsaxik ri kʼutunïk ri kan kʼo kejqalen. ¿Nawajoʼ natamaj kiqʼalajsaxik rït chqä?
