Tqanataj rkamik Jesús
Sábado 12 de abril, 2025
Ronojel jnaʼ, röj, ri testigos de Jehová, nqamöl qiʼ rchë nqanataj rkamik Jesús. Röj nqaʼän riʼ rma kan yë ryä xbʼin qa reʼ: «Ma tiyaʼ ta qa rbʼanik reʼ rchë yininataj» (Lucas 22:19).
Röj nqajoʼ chë rït yatapon qkʼë.
Ri ütz natamaj
¿Jaruʼ xtyalöj?
Jbʼaʼ ma jun hora.
¿Akuchï xtbʼan wä?
Takʼutuj che rä jun testigo de Jehová rchë natamaj akuchï xtbʼan wä.
¿Nkʼatzin natöj rchë yatok?
Manä.
¿Nmol päq?
Manä.
¿Achkë tzyäq ütz naksaj äl?
Majun ta jun rwäch tzyäq ri kan nkʼatzin naksaj äl. Ye kʼa röj, ri testigos de Jehová, nqatäj qaqʼij rchë kan pa rbʼeyal chqä kan ütz rbʼanik qatzyaq nqaksaj äl, achiʼel nuʼij le Biblia (1 Timoteo 2:9). Ma nkʼatzin ta kan nüm rajäl atzyaq naksaj äl chqä kan achkë na rbʼanik nawäq äl awiʼ.
¿Achkë nbʼan taq nnatäx rkamik Jesús?
Naʼäy, nqabʼixaj jun bʼix chqä jun testigo de Jehová nchʼö rkʼë Dios pa qawiʼ. Chrij riʼ, jun chik Testigo nukʼüt chqawäch rkʼë le Biblia achkë rma kan kowan rqʼij rkamik Jesús chqä achkë utzil nukʼäm pä pa qawiʼ ri xkiʼän Dios chqä Jesús qmä röj. Pa rkʼisbʼäl, nqbʼixan chik jmul chqä jun chik Testigo nchʼö rkʼë Dios pa qawiʼ.
We nawajoʼ natamaj más, taskʼij ri peraj «¿Achkë rma ri testigos de Jehová ma jnan ta rbʼanik nkinataj rkamik Jesús kikʼë ri nkʼaj chik religiones?».
¿Ajän (jampeʼ) xtqanataj chik jmul rkamik Jesús?
2025: sábado 12 de abril.
2026: jueves 2 de abril.
Rkʼë jbʼaʼ nawajoʼ natzʼët chqä reʼ
RUNATAXIK RUKAMIK JESÚS
Tqanataj rukamik Jesús
Röj nqajoʼ chë rït yajeʼ qkʼë rchë nqanataj rukamik Jesús kan achiʼel xuʼij qa ryä. Chpan re moloj reʼ, rït xtatamaj achkë utzil nukʼäm pä pan awiʼ ri rukamik Jesús.
NAʼOJ RI NUKʼÜT LE BIBLIA RI KAN KʼO KEJQALEN
¿Achkë rma xkäm Jesús?
Rkʼë jbʼaʼ akʼoxan chë Jesús xyaʼ rukʼaslemal pa qawiʼ röj. Ye kʼa ¿achkë rma nqaʼij chë kan pa millón winäq nkïl utzil rma rukamik?