¿Kʼo komä jun ruqʼatbʼäl tzij Dios?
¿Naʼij rït chë...
-
... jaʼ?
-
... manä?
-
... rkʼë jbʼaʼ?
RI NUʼIJ LE BIBLIA
«Ri Dios, ri kʼo chkaj, xtyaʼ jun ruqʼatbʼäl tzij ri majun bʼëy xtchup ta ruwäch» (Daniel 2:44, Traducción del Nuevo Mundo, 2019).
«Xyaʼöx jun kʼajol chqë; y xtyaʼöx ri qʼatbʼäl tzij pa ruqʼaʼ» (Isaías 9:6).
¿ACHKË UTZIL NUKʼÄM PÄ PA QAWIʼ RI NQATAMAJ RIʼ?
-
Ri qʼatbʼäl tzij riʼ kan nuyaʼ utzil pa qawiʼ (Isaías 48:17, 18).
-
Xa jbʼaʼ chik nrajoʼ rchë xtqjeʼ chwäch jun kʼakʼakʼ Ruwachʼulew ri akuchï ma xtqyawäj ta chik chqä kan kiʼ kikʼuʼx xtqjeʼ (Apocalipsis 21:3, 4).
¿ACHKË RMA ÜTZ NQANMAJ RI NUʼIJ LE BIBLIA?
Rma re kaʼiʼ naʼoj reʼ:
-
Jesús xkʼüt yän jbʼaʼ achkë xtuʼän ri Ruqʼatbʼäl Tzij Dios. Ryä xuʼij chkë ri rutzeqelbʼëy chë tkikʼutuj chpan kichʼonik chë tpë ri Ruqʼatbʼäl Tzij Dios chqä chë tbʼanatäj ri ruraybʼal Dios chwäch le Ruwachʼulew (Mateo 6:9, 10). Chqä xkʼüt achkë rubʼanik xtbʼanatäj riʼ.
Taq Jesús xjeʼ chwäch le Ruwachʼulew, xerutzüq winäq, xeruknaj yawaʼiʼ chqä xerukʼasoj kamnaqiʼ (Mateo 15:29-38; Juan 11:38-44). Rma kan yë wä ryä ri ntok Qʼatöy Tzij chpan ri Ruqʼatbʼäl Tzij Dios, ütz nqaʼij chë xkʼüt yän jbʼaʼ achkë xtuʼän ri Ruqʼatbʼäl Tzij Dios pa kiwiʼ ri winäq (Apocalipsis 11:15).
-
Ri najin nbʼanatäj chwäch le Ruwachʼulew nukʼüt chë ri Ruqʼatbʼäl Tzij Dios xa naqaj chik kʼo pä. Jesús xuʼij chë taq xtjeʼ kowan chʼaʼoj, wayjal chqä slonel chwäch le Ruwachʼulew, ya riʼ taq ri Ruqʼatbʼäl Tzij Dios xtchüp ruwäch ri itzelal (Mateo 24:3, 7).
Y kan ya riʼ nqatzʼët chë najin nbʼanatäj komä. Rma riʼ ütz nqayaʼ chwäch qan chë xa jbʼaʼ chik nrajoʼ rchë ri Ruqʼatbʼäl Tzij Dios xtchüp kiwäch jontir ri kʼayewal.
TAKʼUTUJ QA REʼ CHAWÄCH
¿Achkë rubʼanik xtuʼän ri kʼaslemal taq ri Ruqʼatbʼäl Tzij Dios xtqʼät tzij pa ruwiʼ le Ruwachʼulew?
Ri ruqʼalajsaxik re kʼutunïk reʼ xtawïl chpan SALMO 37:29 y chpan ISAÍAS 65:21-23.
Rkʼë jbʼaʼ nawajoʼ natzʼët chqä reʼ
NAʼOJ RI NUKʼÜT LE BIBLIA RI KAN KʼO KEJQALEN
¿Achkë riʼ ri Ruqʼatbʼäl Tzij Dios?
Taq Jesús xtzjoj ruchʼaʼäl Dios, majun ta chik jun ri más xtzjoj rij chwäch ri Ruqʼatbʼäl Tzij Dios. Kan pa junaʼ, ri winäq kikʼutun che rä Dios chë tpë ri Ruqʼatbʼäl Tzij.
CHQIJ RÖJ
¿Achkë rma ütz nqatjoj qiʼ chrij le Biblia? (versión completa)
Pa millón chkë ri winäq ronojel ruwachʼulew kilon chpan le Biblia ri kiqʼalajsaxik ri kʼutunïk ri kan kʼo kejqalen. ¿Nawajoʼ natamaj kiqʼalajsaxik rït chqä?
