NLÔ AJÔ 02

Bible a ve bia ndi nlem asu melu ma zu

Vô’ôlô nkobô

Minju’u bôte ba tôbane mie émo ji mia bo na be bo éyôé, na nlem ô bo be ôlune kom ése, a na be ju’ a mintaé. Ye ô tameya wô’ôtane nalé môs éziñ? Éko éziñ ô ne nkôkon, nge ke na môt a wuya wo. Ye wo sili womiene na, ‘Ye mam mé fo’o bo mvo’é môs éziñ?’ Éyalane ya Bible ja zu bôône wo nleme si.

1. Jé Bible a jô a lat a melu ma zu?

Bible a kate bia amu jé bia tôban abui minju’ émo ji; ve a su’u ke valé. A kate fe bia na minju’u mite mi mbeme man ana’ana. Jam a jô da ve bia ngule ‘ndi nlem’ asu melu ma zu. (Lañe’e Jérémie 29:11, 12.) Bengaka’a ya Bible ba volô bia na bi jibi minju’u bia tôbane mie den a mevak, a na bi yeme na meva’a mete me ne tabe nnôm éto a nnôm éto.

2. Bible a jô na ényiñe jé bo aya melu ma zu?

Bible a jô na melu ma zu “awu da ye fe bo; nalé fe ôlun wo ye fe bo, nge ñyôn, nge mintaé.” (Lañe’e Nlitan 21:4.) Minju’u mise mia tya’a bia nleme den ane azoé, ékotekot, ôkon, a awu mii man. Bible a jô na bôte bé bu’uban ényiñe Paradis si va nnôm éto a nnôm éto.

3. Jé é ne volô wo na ô yeme na mame Bible a jô a lat a melu ma zu me ne été?

Éko éziñe môt a ka’aleya wo mbamba ényiñ, ve azukui den, wo sili womiene nge wé fo’o bi ényiñ éte môs éziñ. Bengaka’a Bible nye a bo be nji bo ba ya ve’e be befe’e. Nge bia nyoñ éyoñe ya kôme ‘fombô mejô me ne ntilane Kalate Zambe été,’ bii tu’a yemelane na bengaka’a bese a bo bé tôéban. (Mam minlôman 17:11) Ve sake môte nnye a yemete wo na ô buni mame Bible a jô a lat a melu ma zu, womiene wo tyik nge wé tabe ndi a bengaka’a bete nge momo.

TUKA’A FAK

Tame yene mame Bible a ka’ale bia asu melu ma zu. Yene’ ane bengaka’a ya Bible ba volô abui bôte den.

4. Bible a jô na bii nyiñe nnôm éto meva’ été si va

Tame kôme fombô bengaka’a ya Bible ba tôñe valé. Mbé nnye wo yi na a taté tôéban? Amu jé?

Lañe’e bifuse ya Bible bia su’u ngaka’a ése, mvuse ya valé, yala’ane minsili mi:

Ye ngaka’a nyi é ne mfi asu dôé? Ye é ne mfi asu môt éziñe ya nda bôte jôé nge ke mvôé jôé éziñ?

Tame simesane na wo nyiñe vôme

TEKE FE . . .	MÔT ASE . . .
môt a ju’ a mintaé, nge yômbô, nge wu.—Ésaïe 25:8.	é yen ane bôte bé be nga wu ba wômô mesoñ, a beta nyiñe si va.—Jean 5:28, 29.
môt a ne nkôkon nge éyem.—Ésaïe 33:24; 35:5, 6.	é bi mvo’é ya minsôn a ngule ya bo mam.—Job 33:25.
môt a tôban ékotekot.—Ésaïe 32:16, 17.	é di a jaé, é bi abeñe nda, a abeñ asu ésaé.—Besam 72:16; Ésaïe 65:21, 22.
môt a tat étome bita.—Besam 46:9.	é bu’ubane nya mvo’é.—Besam 37:11.
môte nleme wo taé amu a kate vuane minju’ a nga tôbane mie ényiñ.—Ésaïe 65:17.	é nyiñe nnôm éto, teke fe jôme ja tya’a nye nlem.—Besam 37:29.

5. Bengaka’a ya Bible be ne tyendé ényiñe jôé

Minju’u mia te’e abui bôt, a bo na be bo ôngase. Bôte béziñe ba kui kui na be wosan amu ba yi na mam me tyendé. Tame yen ane bengaka’a ya Bible ba volô abui bôte den. Futi’i VIDÉO, mvuse ya valé, yala’ane minsili mi:

VIDÉO: Me nga kômbô wosan ékotekot (4:07)

Aval avé ékotekot é nga ndeñele Rafika?
Aval avé Bible a nga volô nye akusa bo a nji fo’o kui na a wosan ékotekot éte?

Jame Bible a jô a lat a melu ma zu é ne ve bia ngule nyul, a volô bia na bi dañe minju’u bia tôbane mie den. Lañe’e Minkana 17:22 a Beromain 12:12, mvuse ya valé, yala’ane minsili mi: