“God . . . bambae i ravemaot wota blong ae blong olgeta, mo bambae i no moa gat man i ded, mo bambae man i no moa sore, mo bambae i no moa gat man i krae, mo bambae man i no moa harem nogud long bodi blong hem. Ol samting ya blong bifo oli lus olgeta.”—Revelesen 21:3, 4, Niu Wol Translesen.

Save ya i mekem yu luksave se ol wok we bambae yu mekem oli no blong nating, mo bambae yu glad long ol wok ya. —Aesea 65:21-23.

Hem i mekem yu tingbaot se bambae i no moa gat sik, mo man i no moa harem nogud long bodi blong hem.—Aesea 25:8; 33:24.

Hem i givhan long yu blong save se bambae yu harem gud wetem ol famle mo ol fren blong yu gogo i no save finis.—Ol Sam 37:11, 29.

Yes, from ol risen ya:

• God i naf blong mekem ol promes blong hem oli kamtru. Long Baebol, Jehova God nomo i karem taetel ya, “God Ya We i Gat Olgeta Paoa,” from we hem i gat bigfala paoa. (Revelesen 15:3) Taswe hem i naf blong holem promes blong hem, hemia blong mekem wol ya i kam gud moa. Olsem Baebol i talem, “God hem i naf blong mekem olgeta samting.”—Matiu 19:26.

• God i wantem tumas blong mekem ol promes blong hem oli kamtru. Eksampol, Jehova i wantem tumas blong mekem ol man we oli ded oli laef bakegen.—Job 14:14, 15.

  Baebol i talem tu se, Jisas i mekem ol sikman oli kamgud bakegen. ?From wanem? Hemia from we hem i wantem mekem olsem. (Mak 1:40, 41) Jisas i soemaot gud fasin blong Papa blong hem, hem i wantem tumas blong givhan long ol man we oli stap long trabol.—Jon 14:9.

  !Taswe yumi sua se, Jehova mo Jisas, tufala i wantem tumas blong givhan long yumi blong yumi harem gud long fiuja!—Ol Sam 72:12-14; 145:16; 2 Pita 3:9.