MULELOLA!
Imisepela Abengi Balelwala Sana Amalwele ya Matontonkanyo—Finshi Baibo Yalandapo?
Pali cimo pa 13 February 2023 icipani ca Centers for Disease Control and Prevention (CDC) ica ku America calilembele ifyebo pa fyo imisepela ya mu America balelwala amalwele ya matontonkanyo. Basangile ukuti mupepi na hafu ya bana besukulu aba ku sekondari balomfwa ubulanda nelyo ukupelelwa pa nshita iitali.
“Nangu ca kutila mu myaka 10 iyapita tulamona ukuti imisepela balalwala amalwele ya matontonkanyo, pali ino nshita imisepela abanakashi abaletontonkanya pa kuipaya na besha ukuipaya nabafula sana ukucila kale lyonse”. E fyalandile ba Dr. Kathleen Ethier, ba dairekita ba CDC’s Division of Adolescent and School Health (DASH).
Lipoti yatile:
Pa misepela 10 abanakashi, ukucila pali umo (amapesenti 14) ninshi balimupatikishapo ukulaala nankwe. “Ici cilesakamika sana. Pa misepela 10 abanakashi abo mwaishiba, umo nelyo ukucilapo ninshi balimucendapo.” e fyalandile ba Dr. Ethier.
Umukashana umo pali batatu (amapesenti 30) alitontonkanyapo sana pa kuipaya.
Pa misepela 5 abanakashi, mupepi na batatu (amapesenti 57) balibapo no bulanda sana nelyo ukumfwa ukupelelwa pa nshita iitali.
Aya malipoti ya bulanda nga nshi. Imisepela bafwile ukulaba ne nsansa e lyo no kusekelela. Cinshi cingafwa imisepela pa kuti belasakamana sana pa mafya bakwata muno nshiku? Finshi Baibo yalandapo?
Baibo yalilanda ifingafwa imisepela
Baibo yalilanda ukwabula ukupita na mu mbali pa fyo inshiku tuleikalamo shili. Baibo ita shino inshiku ukuti “inshita ishayafya nga nshi.” (2 Timote 3:1-5) Na lyo line, Baibo yalilanda pa fintu ifilenga imisepela mwi sonde lyonse baleba ne nsansa te mulandu na mafya bakwata. Moneni ifipande fyakonkapo ifilanda pa fyaba mu Baibo.
Ifingafwa imisepela nga baletontonkanya pa kuipaya
Ifingafwa imisepela nga na basakamikwa, bali no bulanda, nelyo nga baletontonkanya pa fyabipa
Kuti Nacita Shani pa Kuti Nilatontonkanya pa Fyabipa Ifingacitika?
From Sad to Glad (whiteboard animation)
Ifingafwa imisepela nga balebacusha ku banabo nelyo pa Intaneti
Ifyo Wingacimfya Uulekucusha Ukwabula No Kulwa Nankwe (amavidio ya tukadoli utwakulenga)
Ifingafwa imisepela nga balebacusha ku ba lwinso
Baibo yalilanda ifingafwa abafyashi
Baibo yalilanda na pa fingafwa abafyashi pa kuti baleafwa abana babo ukushipikisha amafya balekwata mu mikalile. Belengeni ifipande fyakonkapo ifilanda pa fyaba mu Baibo.
Finshi Filenga Abacaice Ukulwala Amasakamika Kabili Finshi Fingabafwa?
Children and Social Media—Part 1: Should My Child Use Social Media?
Children and Social Media—Part 2: Teaching Your Teenager Social Media Safety
Children and Smartphones—Part 2: Teaching Children Smartphone Sense
Ifya Kulanshanya no Mwana pa fya Kutumishanya Amashiwi ne Fikope fye Shiku pa Foni
Nalimo Kuti Mwatemwako ne fi
ULUPUNGU LWA KWA KALINDA
Abantu mwi Sonde Lyonse Balalwala Amalwele ya Matontonkanyo
Te mulandu no mushinku nelyo uko umuntu afuma bonse kuti twalwala amalwele ya matontonkanyo. Moneni ifyo Baibolo ingamwafwa nga mwalilwala amalwele ya matontonkanyo.
AMASAMBILISHO YA MU BAIBO AYACINDAMA
Mulandu Nshi Lesa Asuminishisha Ukucula?
Abantu abengi balepusha ico mu calo mwafulila ulupato no kucula. Mu Baibolo mwaliba amasuko kuli aya mepusho.
IFYACINDAMA IFYO BAIBOLO ISAMBILISHA
Kuti Twaba Shani Ifibusa fya kwa Lesa?
Pa myaka iingi, abantu balafwaya ukwishiba Kabumba wabo. Baibolo kuti yamwafwa ukuba cibusa wa kwa Lesa. Tutendeka ukuba cibusa wa kwa Lesa nga twasambilila ishina lyakwe.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
